Page 138 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

элбэхтик эриллибит-мускуллубут спортсмен буолан, сөпкө-таба ой-
дөөн, сатабыллаах салайааччы быһыытынан оҥорбут үтүө дьыалата
буолар. Тустан бүтэн баран, Степан Петрович бу ааттаммыт спор­
та внай оскуолаҕа тириэньэрдээн, кэнэҕэһин Уус Алдан улууһун
оҕолоругар улахан кыайыылар кэлэллэригэр сүҥкэн кылаатын кил-
лэрбитэ. Ол курдук, биһиги иитиллээччилэрбит: Дмитрий Михай­
лов оҕолорго Россия уонна аан дойду чемпиона, Егор Охлопков оҕо-
лорго уонна ыччаттарга Россия түөрт төгүллээх, ыччаттарга Европа
икки төгүллээх чемпиона уонна аан дойду боруонса призера, Семен
Ноговицын ыччаттарга Европа үрүҥ көмүс призера буолбуттара.
Бу бары КӨМӨЛӨӨН оҥорбут уопсай үлэбит түмүгэр Егор Охлопков,
Иван Пантилов уонна Афанасий Заболоцкай РФ норуоттар икки ар-
дыларынааҕы кылаастаах маастардара буолбуттара. Егордаах Иван
Степан Петровичка уонна мизхэ, оттон Афанасий Федот Федотович
Мигалкиҥҥа дьаныардаахтык дьарыктананнар ити курдук үрдүк
таһымнаах тустууктар ааттарын ылбыттара.
Түмүкпэр Бороҕоннооҕу оҕо спортивнай оскуолатын салайаач-
чытынан таһаарыылаахтык үлэлээбит Иван Михайлович сырдык
аатыгар биһиги, ол кэмнэргэ үлэлээбит тириэньэрдэр ааттарыттан
барҕа махтал тылларын этэбин! Кини олорон ааспыт чаҕылхай
олоҕо, үтүмэн үлэтэ кэнэҕэс даҕаны кэмнэргэ төрөөбүт-үөскээбит
улууспут үөрэҕириитин уонна спордун эйгэтигэр биир чаҕылхай хо-
лобурунан буола туруоҕа диэн эрэнэбит.

Иван Николаевич СИВЦЕВ,
ССРС спордун маастара, РФ уонна СӨ үтүөлээх тириэнъэрэ,
Дьокуускайдааҕы Үрдүкү спортивнай
маастарыстыба оскуолатын тириэнъэрэ,
Уус Алдан улууһун бочуоттаах олохтооҕо.

Физкультураҕа уонна спорка

анаммыт олох

1983 с. Хабаровскайдааҕы физкультурнай институту бүтэрэн, дой-
дубар Уус Алдаҥҥа тустуу тириэньэрэ дипломнаах, оҕо спортивнай
оскуолатыгар үлэбин саҕалаабытым. Оччолорго оройуон финалы-
гар кыттарга оскуола сүүмэрдиир күрэхтэһиитэ булгуччу ирдэнэр