Page 14 - Улуус спордун үйэтиппит учуутал, тренер. Иван Жирков

Улуус спордун уйэтиппит учуутал, тренер

И.М. Жирков суруйбут ахтыытыттан

(08.03.1941-10.06.2021)

Иккис Аҕа дойду Улуу сэриитэ буолуо биир
сыл иннинэ, 1940 сыллаахха улууспут уһук хоту
сытар нэһилиэгин киинэ Бээрийэттэн өссө хоту,
икки кос антах Лабачааны үрэҕэр Бырыы диэн
сиргэ төрөөбүппүн. Бырыы бу, Лабачааны үрэх
биир саамай кэрэ айылҕалаах, үтүө сирдэрит-
тэн биирдэстэрэ.
Мин кыра оҕо сааһым «Буденнай» холкуос
сиригэр-уотугар: Тоноҕос, Хапчаҕай, Алар, Мэ-
энди, Хомустаах, Арыылаах, Хабар үрэҕэ диэн
сирдэринэн көһө сылдьан олоруунан ааспыта. Оччотооҕуга бэйэбит
бас билэр дьиэбит суох буолан, наар ыалларга дьукаах буолан олорор-
бут.
Оҕо сааһым сэрии ыар сылларыгар түбэһэн, наар аччыктыырбын,
тоҥорбун өйдүүбүн. Аһыыр аспыт суох буолан, ийэбит дьаһалынан
сүөһү тириитин субатын, анал оҥоһуулаах уктаах тимиринэн, сар-
сыардааҥҥы дьыбарга убайбынаан Мишалыын олбу-солбу кыһыах-
тыыр буоларбыт. Онно кэлбит субаны ууга кутан оргутан, миин кур-
дук иһэрбитин өйдүүбүн, туох да амтана суох буолара, суолтатыгар
эрэ, аһаабыт курдук буолаары.
Олох хоргуйан өлүөхпүтүн, хата үөрэ ото үүнэр буолан, ону хо-
муйан, хатаран суоракка булкуйан, бутугас оҥорон иһэрбит быыһаа-
быта быһыылаах. Холкуоспут бэрэссэдээтэлинэн улахан өйдөөх,
аһыныгас, сүрдээх дьаһаллаах Петр Николаевич Васильев үлэлиирэ.
Кини дьаһалынан, олох быстарыы, маассабай хоргуйуу тахсар чин-
читин эрдэттэн билэн, араас биричиинэлэри булан, аахталаан сылгы
өлөттөрөн, ол этин хаһаайыстыбаларынан тарҕатан, элбэх түгэннэр-
гэ дьону өрүһүйтэлээбитэ.
Оччолорго бэйэҥ иитэн туруорар сүөһүгүн да өлөрөн сиэтэххинэ,
тыллабыр бардаҕына, хаайыыга барыахтааҕын, оннук кытаанах со-
куон баара. Кэлин олох көнөн, ас-таҥас дэлэйбитин кэннэ, Петр Ни-
колаевиһы дьоно-сэргэтэ үтүө тылынан ахталларын, махтаналларын
элбэхтик истибитим.