Page 15 - Улуус спордун үйэтиппит учуутал, тренер. Иван Жирков

Бурдук наһаа күндү этэ, дохуокка кыра эмит сиэмэ сыыһа ылбык-
кын, бурдук тардар тааска тардан мэлийэн, ылбыт бурдуккун харыс-
таан, күн өрүү-өрүү лэппиэскэ сыыһа оҥостон, амсайыыга эрэ сиир
буоларбыт.
Ийэм лэппиэскэтин оҥорон баран, оҕолор тиийбэппит курдук
гына, саха оһоҕун үрдүнэн таҥас куурдар кирээйкэ мастар үрдүлэ-
ригэр кыбыта анньан кэбиһэн баран, үлэтигэр баран хаалара. Ийэм
ити кэччэгэйиттэн буолбатах, ас тиийбэтин кыһалҕатыттан дьаһа-
ныыта этэ.
Эбэм Бараскыабыйа эмээхсин хотонуттан киирэн, кыһыҥҥы
муостата суох саха балаҕаныгар, сыыланхайдаан оонньуу сылдьар
оҕону көтөҕөн ылан, «Оо, оҕом сыыһын илиилэрэ олох муус буола
тоҥон хаалбыттар», дии-дии, ытыстарынан бобо тутан имэрийэ-имэ-
рийэ, айаҕын сылааһынан үрэн, ириэрэ сатыыр буолара уонна үөһээ
кирээйкэттэн ийэм кистээбит лэппиэскэтиттэн ойо тутан ылан сиэ-
тэрин, олус күндүтүк саныыбын. Уопсайынан, эбэм олус сымнаҕас,
аһыныгас, биһиэхэ оҕолорго саамай күндү, тапталлаах киһибит этэ.
Эһэм Баһылай оҕонньор элбэх саҥата-иҥэтэ суох, орто уҥуох-
таах, толору эттээх-синнээх, мөчөкө соҕус, кытархайдыҥы сырдык
ыраас сэбэрэлээх киһи этэ. Эдэригэр бэйэтин лаппа кыанар, сэниэ-
лээх дьон ахсааныгар киирсэр быһыылааҕа. Үлэтигэр-хамнаһыгар
бытаан гынан баран, барыта орун-оннугар, ыраас, тупсаҕай туттуу-
лааҕа.
Сэрии сылын оҕолоро уопсай үлэҕэ-хамнаска эрдэттэн эрилли-
биппит. Оччолорго холкуос оҕуруот аһыттан сүнньүнэн хортуоппуй
олордуутунан дьарыктанара. Оҕуруот аһын куталаах икки тыым-
пы күөллэр икки ардыларыгар үрдүк сиргэ турар Хомустаах диэн
сиргэ үүннэрэллэрэ. Арааһа, ити тыымпылар тыыннара эрдэтээҥи
хаһыҥнартан үүнээйилэри харыстыыллара буолуохтаах.
Бу, Хомустаах диэн сир биһиги сайылаан олорор Хапчаҕай диэн
сирбититтэн 4 биэрэстэ тэйиччи турара. Миигин алта саастаах
киһини, ырааҕынан аймахпыт Жирков Дмитрий Евсеевич диэн би-
ригэдьиир хас сарсыарда аайы 7-8 чаас саҕана, утуйа сытар оҕону
төбөбүттэн имэрийэ-имэрийэ: «Тукаам Баанньаа тур, хортуоппуйга
уу басыһа барыс, убайыҥ Миисэ доҕоро суох, туох иһин барбат»,
- диэн быһа ааттаан, уутугар аҥаарыйа сылдьар киһини туруоран,
ыытар буолара. У у байарбар ийэм туостан кыракый ыаҕайалары
тигэн биэрэрэ. Онон мин кыра баҕайы киһи, үлэлиирим таһынан,
кэлэ-бара 8 биэрэстэ сири сатыы хаамарым.