Page 149 - Улуус спордун үйэтиппит учуутал, тренер. Иван Жирков

Сыл-хонук ааһан истэҕин аайы аҕа көлүөнэ дьон сыыйа аҕыйаан,
олох тутула уларыйыытыгар урукку умнуллан иһиитэ - олох булгу-
руйбат сокуона. Аҕыйаҕы кылгастык ахтан аһардахха, кини биир-
гэ үөрэммиттэрин түмэн, эдэр саас умнуллубат күннэрин санатар
кэрэхсэбиллээх көрсүһүүлэри тэрийиитэ, чугас ыалларын, доҕот-
торун, үлэ бэтэрээннэрин спорка көҕүлээн, «Абылаҥ»диэн кулуу-
бу олохтооһуна, маһы кыһан саха былыргы оҥоһуктарын, дьиэҕэ
туттуллар кыра маллары бэлиэ түгэннэргэ бэлэххэ туттууну олоххо
киллэриитэ, саха киһитэ мындырын, дэгиттэр дьоҕурдааҕын, олоххо
тардыһыыта күүстээҕин туоһулуур.
2019 сыллаахха сайын Мүрү нэһилиэгин ыһыаҕар, пааркаҕа
Анна Иннокентьевна Васильевалыын Жирковтар дьиэ кэргэттэрин
кытта түбэһэ түһэн, бииргэ түһүлгэлээн олорбуппут, дойдубут ах-
тылҕаннаах кэмин бэрт кылгас түгэҥҥэ үөрэ-көтө аһарбыттаахпыт.
Сиэннэр чуопчаарар саҥаларын, уус-уран ааҕыыларын истэн, иэйии
абылаҥар ылларбыппыт. Эһиил эмиэ көрсүөхпүт, өрүү маннык үтүө
көрсүһүүлэр салҕана туруохтара диэн санаалаах арахсыбыппыт. Хо-
мойуох иһин, ол тиһэх көрсүһүүбүт буоларын билбэтэхпит... Уйбаан
Михайлович уруккутун курдук сэргэҕэ, дьоһуннааҕа.
Үтүө киһи туһунан үтүө өй-санаа баарын тухары, кини тыын-
наахтары кытары бииргэ сылдьар диэн өйдөбүл баар. Уйбаан Ми­
хайлович дьонун-сэргэтин, ыччаттарын, чугас дьонун, аймахтарын,
үөрэнээччилэрин өйдөбүллэригэр - баар, умнуллубат. Күүстээх са­
наалаах саха бастыҥ мааны киһитин, ураты дьоҕурдаах учууталын
үтүө холобура сырдыкка, үрдүккэ угуйа туруохтун!

Татьяна Ильинична АЛЕКСЕЕВА, биир идэлээҕэ,
педагогический үлэ бэтэрээнэ, РФ үорэҕириитин туйгуна,
«Сэрии сылын оҕото» мэтээллээх.

Бэйэтигэр сэмэйдик сыана бэринэрэ

Мин Иван Михайлович Жиркову Мүрү аҕыс кылаастаах оскуо-
латыгар 1985 сыллаахха үлэлии кэлиэхпиттэн билэбин. Маҥнай
учуутал идэтигэр үлэбин саҕалыыр эдэр киһиэхэ аттыбар бас-көс
киһи баара үчүгэй өттүгэр элбэххэ сабыдыаллаабыт эбит диэн били-
гин саныыбын. Оччолорго устудьуон олоҕуттан саҥа кэлбит киһиэхэ
оскуола үлэтэ, эйгэтэ эмиэ туспа уратылардаах буоллаҕа.