Page 153 - Улуус спордун үйэтиппит учуутал, тренер. Иван Жирков

курдук туттан сүүрэрин, эн эмиэ итинник сүүрүөхтээххин!», - диэн
тэйиччиттэн хаһыытыа дуо?..
Владимир Пантелеймонович аҕа табаарыһын, коллегатын Иван
Михайловиһы наһаа убаастыыра, кэлин да киниттэн олоххо-дьаһах-
ха холобур ыларын аһаҕастык билинэр этэ. Мин ыал буолуом ин-
нинэ, хас да сыл Бороҕоҥҥо Слепцовтарга олорбут буоламмын,
Болуодьаны кытары араас түгэннэргэ Иван Михайловичтаахха сыл-
дьар этибит. Онон бу урукку көлүөнэ дьонуттан, Уус Алдан икки
чаҕылхай патриоттарын, спорка уонна оҕону иитиигэ оройуон исто-
риятыгар сотуллубат сурукка киирбит үтүө дьонун кытары чугастык
алтыспыт кэмнэрдээхпин.
Иван Михайлович 65 сааһын бэлиэтииригэр бэйэтэ миэхэ эрдэт-
тэн төлөпүөннээн, хайаан да кэлэҕин, уолаттар бары кэлиэхтэрэ
диэн ыҥырбыта. Бороҕон остолобуойугар элбэх ыалдьыттар мус-
тан, наһаа үөрэн-көтөн, ыллаан-туойан бэлиэтээбиппит. Үбүлүөйү
ыытааччы ыалдьыттарга «Уйбаан туһунан хоһоон айаҕыт» диэн
күрэх ыытан, онно кыттан тута хоһоон суруйбуттааҕым. Уйбаан
үбүлүөйүн түмүктүүрүгэр наһаа үөрбүтүн, астыммытын биллэрэн:
«Маннык үбүлүөйдүүр наһаа үчүгэй эбит, эһиги эмиэ үбүлүөйдээҥ,
мустуохпут, үөрүөхпүт-көтүөхпүт», - диэбитэ. Ити саҕана кини бэ­
йэтэ суруйарынан дьарыктанар, хайыһарын тайаҕын оннугар сытыы
бөрүөнү туппут кэмэ этэ. Баҕа өртүнэн чэпчэкитэ суох үлэни ыл-
сан, оройуон оччотооҕу спортсменнарын туһунан хомуйан, суруйан
бэртээхэй кинигэ таһаартарбыта. Ол туһунан биирдэ бэйэтэ: «Дьэ,
кинигэ суруйар баар эбит, уустук, ыарахан үлэ. Төһө да кыһаллыбы-
тыҥ, кичэйбитиҥ үрдүнэн итэҕэһэ-быһаҕаһа элбэх буолар эбит...»
- диэбитэ. Уйбаан оннук ситиспит, кыайбыт да үлэтин түмүгэр бэ-
йэтигэр сэмэйдик сыана быһынара.
Билигин төһө да бу орто дойдуга суоҕун үрдүнэн, кини туһунан
санаан ыллаххына, билигин да аттыгар баардыы киниттэн үөрэнэ-
риҥ үгүс курдук. Дьылҕа-хаан барахсан бу олохпор бэйэтэ кытаанах
санаатынан, модун дьулуурунан кэлэр көлүөнэҕэ холобур буолар
ураты суолу тэлбит үтүө, сэмэй майгылаах, чаҕылхай киһини кы­
тары алтыһыннарбыт эбит. Ону, оччотооҕу элэс гынан ааспыт эдэр
сааспытыгар долоҕойбутугар түһэрбэккэ, хатыламмат дьылҕа бэ-
лэҕин өссө үрдүктүк сыаналаабакка хаалбыппыт дуу дии саныыбын.
Кэлин атын сиргэ олохсуйаммын кэпсэтэрбит да кэмчи, алтыһар-
быт да ахсааннаах этэ. Ол эрээри урукку ситим син быстыбатаҕа,
50 сааспын бэлиэтиир дьоро киэһэбэр куоракка ыҥырыллан кэлэн,