Page 152 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
ууну салаабытын курдук», - диэтэ. Бары балааккаттан ойон тах-
сан көрбүппүт, Уйбааммыт сис туттан баран, суол төрдүн диэки
көрөн, өрө мыҥаан турар эбит. Дьэ, биһиги күлсүү бөҕө, онноо-
ҕор Иван Михайлович ыксаата диэн, били чуумпурбуппут хан-
на да суох буолла. Уйбааммыт саҥата суох “мүчүк-мүчүк” гынар.
Дьэ, кэмниэ-кэнэҕэс Уйбаан Уйбаанабыспыт кэлбитигэр (баһылык
киһи үлэтэ үтүмэн үгүс буоллаҕа) оннооҕор Иван Михайлович кэ-
тэһэн ыксаабытын кэпсэтэ-кэпсэтэ күлсүү бөҕө буоллубут. Онтон
ыла, туох эрэ күүппүтүҥ мэлийдэҕинэ наар, ыт ууну салаабытын
курдук дэһии буолааччы.
Лааҕырбыт үлэтэ түмүктэннэҕинэ Жирковтар сайыҥҥы дьиэлэ-
ригэр мустан, Мария Никоновна остуол бэлэмнээн, чэйдиир этибит.
Иван Михайлович сэниэлээх, чуолкай куолаһынан: «Билигин миин
иһиэхпит», - диэн баран Мариятыгар көмөлөһөн төттөрү-таары хаа-
мыталыыра харахпар бу баар. Бэрт да кэмнэр эбиттэр, ол номнуо
отуттан тахса сыл буола охсубута түргэнин...
Биллиилээх спортсмен Владимир Пантелеймонович Слепцов
миэхэ биирдэ:«Иван Михайлович өрөспүүбүлүкэ улахан күрэҕин
дьиҥинэн, 27 төгүл кыайбыта, оннук көрдөрүүлээх киһи суох, ону
дьоммут үчүгэйдик билбэттэр», - диэбитэ. Мин оччолорго даҕаны
сатаан өйбөр батарбат сөҕүмэр элбэх ситиһии буоллаҕа, ол иһин өй-
дөөн хаалбыппын. Суруйалларынан, кэпсииллэринэн өрөспүүбүлүкэ
уонтан тахса төгүллээх кыайыылааҕа дииллэрин истэр этим. Араас
түгэннэргэ Уйбаан биирдэ эмэ сүүрэн ыллаҕына, хайдах эрэ сэрэнэн,
туттуммут курдук чэпчэкитик дыгыйан сүүрэрэ. Көрдөххө, сүүрэри-
гэр хааман иһэринээҕэр хайдах эрэ үрдээн көстөрө, оннук уратытык
туттан хамсанарын бэлиэтии көрбүппүн өйдүүбүн. Улахан күрэхтэр
парадтарыгар чөмпүйүөн аалай лиэнтэтин кытары, түөһүн толору
араас мэтээллэрин иилинэн, байыаннайдыы выправкалаах, атаҕын
хайдах эрэ бэйэтигэр эрэ барсардыы чэпчэкитик өрүтэ тардыалаан
колонна иннигэр хааман иһэрэ, көрөргө астык даҕаны этэ. Маннык
түгэннэргэ Иван Михайлович, Владимир Пантелеймонович курдук
биллэр спортсмен дьону чугастык алтыһан билэрбититтэн астынар-
быт, киэн туттарбыт күүһүрэрэ.
Мин урукку спортсменнартан Владимир Пантелеймоновиһы
элбэхтик сүүрэрин көрбүтүм. Кини онно өссө улахан спортан саа-
һынан бүппүт кэмэ этэ буоллаҕа. Дьэ, кьтраһыабайдык туттан
сүүрэрэ. Дэлэҕэ даҕаны, биир күрэх кэмигэр Василий Степанович
Парников Болуодьа кыра уолугар Воваҕа: «Көр-көр, аҕаҥ хайдах