Page 236 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Кыайыыбытынан кылаабынай судьуйа Аркадий Михайлович Алек­
сеев эҕэрдэлээбитэ. Биһигини кытта бэрэстэбиитэл быһыытынан
С.И. Черноградскай, хайыһарга ССРС спордун маастара сылдьыбы-
та. Биһиги өссө III этап кэнниттэн Хомустаахха киэһэтин А.М. Алек­
сеев кыттыгастаах кэнсиэрдээбиппит. Көрөөччү да элбэх кэлбит этэ,
кэнсиэри даҕаны хайҕаабыттара.
Дьэ, ити курдук, Иван Михайлович оройуонун туһугар элбэх эп-
пиэттээх күрэхтэһиилэргэ кыттыбыта. Дьокуускайга ыытыллыбыт
хамаанданан хайыһарга эстафета туһунан хаһыаккасырдаппыттарын
булан көрдүм. 1973 сыллаахха кулун тутарга «Эстафета саамай интэ-
риэһинэй көрүҥ» диэн Е. Гаврильев ыстатыйатыгар маннык суруй-
бут: «Спартакиада үһүс күнүгэр программа быһыытынан эр дьоҥҥо
уонна дьахталларга эстафеталар ыытылыннылар. Бу күрэхтэһии
көрөөччүнү тардар саамай интэриэһинэй көрүҥэ. Судьуйа чуор куо-
лаһа стартка ыҥыртыыр. Эр дьоҥҥо сүүрбэттэн тахса хайыһардьыт
биэтэккэ нүөмэрдэрин бэрээдэгинэн кэккэлии туруналлар. Стартер
тыаһаатын кытта, кэтэһэн тыҥаан турбут хайыһардьыттар иннилэ-
рин диэки ыстаннылар. Бары үлүмнэһэн түргэн-түргэнник анньынал-
лар, эрчимнээхтик хардыылыыллар, күүстээх тыалы утары сүүрэн
бурҕаталлар. Элбэх киһи хайыһар суолун былдьаһан үлүмнэһэрин
көрөр олус үчүгэй. Күөл мууһун маҥнайгынан туораан хайыһар суо-
лугар Уус Алдан бэрэстэбиитэлэ, маастарга кандидат Иван Жирков
киирэр. Кини кэнниттэн хайыһардьыттар, саас саастарын булан кус
оҕотунуу субуһаллар. Эстафетаҕа ыалдьыттарбыт эрэ хамаандалара
булкаастаах - икки эр киһи, икки дьахтар. Кинилэртэн бастакынан
Раиса Патрина барсар. Сибиир чемпионката биһиги бастыҥ хайы-
һардьыттарбытыттан итэҕэс сүүрбэтин көрдөрдө. Хайаны дабайыы-
га быдан ордук техникалаах буолан, үс эр бэрдин иннигэр түһэр.
Бастакы этапка маҥнайгынан И. Жирков кэлбитин маастар С. Чер­
ноградскай салгыыр. Хайыһар ветерана И. Жирков ити күн олус та-
быллан сүүрдэ, уон километры 37 мүнүүтэнэн кэллэ. Кини кэнниттэн
балачча ырааҕынан хаалан Чурапчы, Дьокуускай хайыһардьыттара
кэлитэлээтилэр. Ыалдьыппыт Р. Патрина бэһис киһинэн 15 сөкүүн-
дэ хаалан кэлэн, эстафетатын олимпиец В. Веденинтгэ биэрэр. Кини
урут барбыт дьону туораталаан маҥнайгынан сыыйа тэбэн кэлбитин
аан дойду чемпионатын кыттыылааҕа, спартакиада призера Зинаида
Аммосова салгыыр. Кинини ким да сиппэт. А. Тихонов ситиһиини
эбии чиҥэтэн ырааҕынан атан бастаан тахсар. 10 километры В. Ве­
денин көрдөрүүтэ саамай үрдүк - 35 мүнүүтэ 15 сөкүүндэ.