Page 237 - Улуус спордун үйэтиппит учуутал, тренер. Иван Жирков

Үһүс этапка хайа хамаанда бастыырыгар уустук балаһыанньа
үөскүү сырытта. И. Мигалкин (Уус Алдан) А. Дудникка (Алдан) 12
сөкүүндэнэн куоттаран кэлэр. Билигин тиһэх этап ким бастыырын
быһаарыахтаах. Алданнартан спорт маастара Виктор Иванов бэрт
кыахтаахтык барар. Үгүстэр кини иннин биэриэ суоҕа диэн саныыл-
лар. Киниттэн 12 сөкүүндэ хаалан эдэр хайыһардьыт А. Пестряков
(Уус Алдан) эккирэтэр. Кэтэһии, чөрбөҥнөһүү, кинилэртэн хайалара
кыайыай? Биэтэккэ маҥнайгынан маастарга кандидат А. Пестряков
бэрт холкутук хоннохтоохтук хардыылаан тахсар. Итинэн Уус Алдан
оройуонун хамаандата эстафета кыайыылааҕа буолла. Иккис миэс-
тэни алданнар, үһүс миэстэни эмиэ бэрт күүстээх хайыһардьыттар-
даах уус маайалар ыллылар. Маҥнайгы этабы үчүгэйдик саҕалаабыт
чурапчылар кэнники этапка улаханнык табыллыбакка тэбилиннилэр.
Онтон спартакиада икки маҥнайгы күнүгэр ситиһиилээхтик кытты-
быт Дьокуускай, Мирнэй, Ленскэй хайыһардьыттара хара маҥнай-
гынан ортоку соҕус сырыттылар».
Дьэ, Иван Михайлович эстафетаҕа хамаандатыгар хайдах кур-
дук наадалаах төһүүнү оҥорбутунан кыайыы өрөгөйө буолбутуй...
Мин 1973 с. уолаттарбын кытта куоракка киирэммин, эстафетаны
көрбүтүм. Онно олимпиец В. Веденин уҥа атаҕа травмалаах этэ,
эстафегаҕа сүүрбүтүн көрөөччүлэр сөхпүттэрэ.
Иван Михайлович уонна көмөлөһөөччүтэ учуутал, фотограф
Иннокентий Иннокентьевич Захаров аҕыраабат дьулуурдарынан
төрөөбүт-үөскээбит улуустарын кус бьтһыйдарын, ат бөҕөлөрүн,
бастыҥтан бастыҥ, чулууттан чулуу спортсменнарын туһунан
справочник-хомуурунньугун бэлэмнээн, 1500 тиражтаах бэртээхэй
кинигэ «Уус Алдан чулуу спортсменнара (ХХ-с үйэҕэ)» диэн Уус
Алдаҥҥа спортивнай хамсааһынын 80 сылын бэлиэтээн, 2004 сыл-
лаахха бэчээттэммитэ. Кинигэҕэ 386 спортсмен туһунан хаартыска-
лара, төрөөбүт сыллара, спорка ситиһиилэрин туһунан сырдатыл-
лыбыта. Көлүөнэттэн көлүөнэ спортсменнар тустарынан кэпсиир
кинигэ аныгы үүнэр, улаатар ыччакка үтүө холобурунан буолуо дии
саныыбын.
Иван 1996 сыллаахтан бэс ыйын 1 күнүттэн «Детка (Оҕокко)» диэн
ааттанар эти-хааны чэбдигирдэр үөрэҕинэн дьарыгыран саҕалыыр.
Ый бүтэһик күнүгэр миигин көрсөн закалка уонна Дьокуускай олох-
тооҕун Ю.И. Никитин дьарыктанарын туһунан элбэҕи кэпсээбитэ.
«Миша, эн толкуйдан эрэ, иккиэн бииргэ сылдьан дьарыктаныахпыт
этэ, өйүүр доҕордоох сылдьыахпын баҕардым», - диэтэ. Мин икки