Page 254 - Улуус спордун үйэтиппит учуутал, тренер. Иван Жирков

Улуус спордун уйэтиппит учуутал, тренер
дук буолбуттара. Реформа бөҕө буолан, улахан оскуолалар бэйэлэрэ
үбүлэнэн, ону ааҕар-суоттуур бухгалтериялаах буолбуттара. Мин
Мүрү 2№-дээх оскуолатыгар кылаабынай буҕаалтырынан ананан
үлэлиир буолбутум. Оскуола коллектива сүрдээх үлэһит этэ. Харчы
кэмчититтэн оскуола баазата быстар мөлтөҕө, учууталлар хамнас-
тара хае эмит ыйынан кэлбэт буолан эрэйдиирэ. Харчы уларыйыы-
та буолбута, хамнас эмискэ мөлүйүөнүнэн ааҕыллар буолбута. Ол
бириэмэҕэ куоракка спортивнай тэрилтэлэр сабыллыбыттарыгар,
биһиги элбэх спортивнай инвентарынан хааччыммыппыт. Хайыһар,
мааттар, мээчиктэр араас көрүҥүн булан тиэйэн аҕалбыппытыгар,
Иван Михайловичтан хайҕанан турардаахпын.
Оскуолаҕа анаан биир тракторы “ДТ-75” уонна грузовой “ГАЗ-
53” массына булан, учууталлар оттук мастарын, муустарын уонна да
атын араас үлэни толорорго тутталлара. Улахан кылаас уолаттара ты-
раахтары үөрэтэн, тырахтарыыс идэтин баһылыырга үөрэммиттэрэ.
Иван Михайлович хайыһардьыт, дуобатчыт, саахымаччыт, аны
этин-сиинин эрчийэн тымныы ууну куттан, ыкса ыалларын көҕүлээн,
элбэх киһи тымныы уунан куттар буолбуттара. Күһүн күөлгэ муус
туран эрдэҕинэ, сөтүөлүү сылдьалларын көрөн сөхпүтүм.
Мүрү 2№-дээх оскуола эр дьонугар дуобакка, саахымакка элбэх
күрэхтэһиини тэрийэрэ. Сайын хайаан да мустан, Томторго тии-
йэн дуоһуйа саахыматтыыллар, дуобаттыыллар, Мүрү алаас кэрэ
көстүүтүгэр сынньанан кэлээччилэр.
Ыаллыылар ийэлэрэ, эбэлэрэ эмиэ мустан сарсыарда аайы Сэ-
дэгэр арыытыгар скандинавскай хаамыынан, сэрээккэнэн, йоганан
дьарыктанабыт, бүтэһигэр ыллаан, саҥа күнү итинник көрсөбүт. Бу
дьарыкпытын «Саха» НКИХ көрдөрбүттэрэ. «Ыаллыылар» диэн
группалаахпыт, телефон ситиминэн үөрэ-көтө билсэбит.
Урут эдэр эрдэххэ, үлэҕэ үтүрүттэрэн, баар да талаан арыллы-
бакка хаалбыта, ол хаһан эрэ тэһэ кэйэн, дьоҥҥо-сэргэҕэ биллэн ба-
рар эбит. Ити мин бэйэбинэн охсон этэбин, билигин уруһуйдуубун,
хоһоон суруйабын.
Иван Михайлович сүрдээх элбэх талааннаах, киһи сөҕөр-мах-
тайар киһитэ. Ол курдук, бэтэрээннэр ыһыахтарыгар быыстапкаҕа,
саахымат остуолун уонна фигураларын, саха быһаҕын онорон кыт-
тыбыта. Иван Михайлович миэхэ, сүөһүлээх киһиэхэ, ытык, күөрчэх
бэлэхтээбитин, Мария Никоновна киллэрэн биэрбитэ. Билигин да
күөрчэх ытыйарбар, тиэстэ охсорбор саамай туттар тэриллэрим.
Киһи олоҕо кэмэ кэрдиитэ үөһэттэн ыйыллар диэччилэр. Ол кур­
дук, оссо да олоруох, үлэлиэх-хамсыах, айыах-тутуох киһи аттыбы-