Page 250 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
балачча түбүгүрэн олорбуттара. Мария Никоновна балтын кыыһын
кыратыттан көрөн, оскуолаҕа үөрэттэрэн, бэйэлэрин оҕолорун кур-
дук көрөн олорбуттара. Үөрэҕин хонтуруоллаһан, олимпиадаларга,
куонкурустарга кытыннаран, талаанын арыйан, ситиһэр кыайыы-
ларыттан тэҥҥэ үөрэ олорбуттара. Иван Михайлович илиитигэр
сүрдээх дьоҕурдаах уус киһи этэ. Ол курдук, миэхэ бэргэһэ уурар
оҥоһугу бэлэхтээбитэ. Оттон сарсыарда аайы минньигэс суораты
ытыйан, дьоммун аһатар күөрчэҕим - Иван Михайловиһы санатар
күндү бэлэҕинэн буолар.
Иван Михайлович ол саҕаттан ыараханнык ыалдьан сүрэҕэр
эпэрээссийэлэммитэ эрээри, хаһан да санаатын түһэрбэт, олоххо тар-
дыһыыта сүрдээх күүстээх киһи этэ. Мария Никоновна, Иван Михай­
лович олохторугар ыар охсуулары ылбыт дьон. Оҕолорун сүтэрбит
аһыылара, кутурҕана Иван Михайлович олоҕун кылгаттаҕа... Биһи-
ги дьиэ кэргэн ол саҕана эмиэ сиэн бырааппыт, сиэн балтыбыт эдэр
саастарыгар олохтон хомолтолоохтук туораабыт кэмнэрэ этилэр. Ол
иһин икки өртүттэн хардары-таары бэйэ-бэйэбитигэр көмөлөһөн,
тууйуллубут санааларбытын биирдэ эмит атастаһан, санаабытын
дьайҕардан ааһарбыт, олохпутун чэпчэтэ сатыырбыт. Иван Михай­
лович наһаа интеллигентнэй, киэҥ билиилээх-көрүүлээх, дьиэ кэргэ-
нигэр үтүө сыһыаннаах саха Саарына киһи этэ.
Иван Михайлович уһун сылларга дьаныһан үлэлэһэн, 2004 сыл-
лаахха «Уус Алдан чулуу спортсменнара (ХХ-с үйэҕэ)» диэн улуус
аатырбыт спортсменнарын, кинилэр спортка ситиһиилэрин туһу-
нан спорду сэҥээрээччилэргэ анаан бэртээхэй кинигэни таһаарбы-
та. «Чэпчэки атлетика» түһүмэҕэр эйигин эмиэ киллэрэбин диэн
ситиһиилэрбин ыйыталаспыта, хаартыскабын көрдөөбүтэ. Онуо-
ха мин: «Наһаа кылгас кэмҥэ спордунан дьарыктаммытым, улахан
ситиһиим да суох», - диэн аккаастанан эппиппэр: «Киһи барыта эн
курдук Саха сирин норуотун спартакиадатыгар миэстэлэспэт», -
диэн кэбиспитэ. Ол 1960 сыллаахха Саха сирин норуоттарын Ш-с
Спартакиадатыгар 800 м сүүрүүгэ Ш-с миэстэни ылбыппын эппитэ.
Кинигэҕэ технической биричиинэнэн маҥнайгы миэстэни ылбы-
та диэн сыыһа суруллубутун эппиппэр: «Элбэх киһи ситиһиилэрин
ырытыыга сыыһа-халты тахсыан сөп. Ону аны кыайан көннөрбөк-
күн. Баҕар, кэлин көлүөнэ ыччаттарыҥ хайа эмэ көрүҥҥэ чемпион
буолалларын билгэтэ буолаарай...», - диэн күлэн кэбиспитэ.
Аны иккис кинигэ тахсыытыгар ахтыы хомуллуутугар эмиэ эрэй-
дээбиппиттэн билигин хомойо саныыбын. Бастаан кылгастык спор­