Page 249 - Улуус спордун үйэтиппит учуутал, тренер. Иван Жирков

Истиҥник саныыр ыалым

2008 сыл күһүнүгэр биһиги дьиэ кэргэн, орто
кыыспыт Мария үөрэх министиэристибэтин каадыр
сулууспатын салаатыгар үлэһитинэн анаммытынан
сибээстээн, куоракка көһөн киирбиппит. Кржижа-
новскай уулусса 75-6 №-дээх дьиэтигэр уус алдан-
нартан маҥнайгы подъеһыгар Найахыттан төрүт-
тээх Евдокия Тарасовна Арсентьева диэн сиэстэрэ
кыыс, үһүс подъеһыгар Найахыга учууталлаабыт
Галина, Петр Готовцевтар, иккис подъеһыгар 4-с
кыбартыыраҕа Мария Никоновна уонна Иван Михайлович Жирко-
втар, 31 -с кыбартыыраҕа уһун сылларга СЭС-кэ үлэлээбит Валенти­
на Готовцева уонна 35-с кыбартыыраҕа биһиги олорбуппут. Бу биэс
этээстээх дьиэбит бэрт уһуннук тутуллан 1999 сыллаахха үлэҕэ ки-
ирбитин, министиэристибэлэр нөҥүө доруобуйа харыстабылын уон­
на норуот үөрэҕириитин үлэһиттэригэр сыанатын 30% эрэ төлөтөн
туран биэрбиттэрэ. Арааһа, үлэһиттэргэ итинник чэпчэтиилээх оло-
рор дьиэни биэрии ити кэнниттэн уһун сылларга, кэлин араас субси-
диялар көрүллүөхтэригэр диэри, тохтообута быһыылааҕа.
Дьиэбит ити миэстэҕэ турара үчүгэй да, мөлтөх да өрүттэрдээҕэ.
Үчүгэйэ диэн - халыҥ шлакоблоктарынан тутуллубут буолан, ис-
тиэнэтинэн тыал үрбэт, үөһээ этээстэр ичигэстэр, аныгы тутууларга
тэҥнээтэххэ, тыас-уус иһиллибэт уонна үрэх үрдүгэр турар буолан,
салгына ыраас, эбиитин үрэхпитигэр саас көҕөн кэлэн сымыыттаан,
сайын оҕолорун батыһыннара устара эмиэ туспа кэрэ көстүү. Саас
үрэххэ киирэн Иван Михайловичтаах хайыһардыыллара, оттон кэ-
лиҥҥи сылларга кинилэри солбуйан, аны мин киирэн скандинавскай
хаамыынан дьарыгырарым эмиэ доруобуйабар туһалыыр. Мөлтөх
өттүн ыллахха - дьиэбит лиибэ суоҕа, куорат кииниттэн тэйиччи сы-
тара, аттыбытынан улахан уйуктаах массыыналар сылдьар эргиир
суоллара баара буолара буолуо.
Мария Никоновналаах уонна Валентина Готовцева аҕы-
йах сыллааҕыта дьонноругар чугаһаан, табыгастаах усулуобуйа
көстүбүтүнэн, куорат киин өртүгэр көспүттэрэ. Биир подъездка оло-
рор буолан, биһиги ыал Жирковтары кытта киирэ-тахса, ылса-бэр-
сэ олорбуппут. Кинилэр маҥнайгы этээскэ олорор буолан, дьиэлэрэ
муостатынан сөрүүн этэ. Ону радиатордары эбии олордон, ититэн