Page 253 - Улуус спордун үйэтиппит учуутал, тренер. Иван Жирков

Тулатын киэргэтэр

Тэлгэһэҕэр эйэ дэмнээхтик олороруҥ, күлэн-
үөрэн доҕордоһон, ыал-ыал аайы ылсан-бэрсэн,
оҕолор барахсаттар оонньоон-көрүлээн, чаҕаарыһа
сырсан, эмдэй-сэмдэй бииргэ улаатан, ахтыһа санаһа
сылдьаллара - бу дьоллоох ыал олохторо буолар.
Биһиги ыал Бороҕоҥҥо «Маяк» түөлбэҕэ, саҥа
дьиэ туттан, кыра кыыстаах, Мындаабаттан 1974
сыл алтынньыга көһөн кэлбиппит. Аттыбытыгар
олорор ыалларбыт сүрдээх эйэҕэстик көрсөннөр,
алтыһар ыалларбыт буолбуттара. Жирковтар дьиэлэрэ суол нөҥүө
баара, кинилэр эмиэ саҥа дьиэ туттан киирбиттэр этэ. Оччолорго
биһиги дьиэлэрбит илин уһук этилэрэ. Билигин дьиэ-уот элбээн, Бо-
роҕон ортото буоллубут.
Эдэр эрдэххэ үлэҕэ үтүрүттэрэн чугастааҕы ыалларбытын кытта
олус билсибэт, бу дьэ сааһыран баран, билсэр буоллубут. Жирков­
тар дьиэ кэргэн аҕа баһылыга Иван Михайлович учуутал идэлээх,
биһиги оҕолорбутун физкультураҕа үөрэппитэ. Ийэлэрэ Мария Ни-
коновна юннатскай станцияҕа оҕолору үөрэтэрэ. Биһиги кыыспыт
Саргылаана начаалынай кылааска Мүрү 2№-дээх оскуолаҕа нууч-
ча кылааһыгар ситиһиилээхтик үөрэнэр, арай физкультураҕа наар
«4» буолара. Отличник буолаары, сүрдээҕин кыһаллан сарсыарда
эрдэ туран, олбуорун иһигэр сүүрэрэ, ыстаҥалыыра. Начаалынай
кылааһын туйгунунан бүтэрбитэ, оскуолатын «Кыһыл көмүс» мэ-
тээлинэн бүтэрбитэ. Билигин «Уолан» гимназияҕа учууталлыыр.
Уолбут физкультура уруогар үчүгэйдик үөрэммитэ, элбэх сиэкси-
йэлэргэ дьарыктаммыта.
Иван Михайлович физкультура учууталларын түмэн, Аччыгый алаас
үрдүгэр хайыһар баазатын туппуттара. Онно элбэх оҕо хайыһарынан
дьарыктаналлара, элбэх күрэхтэһиилэр буолаллара. Тэрилтэ үлэһ иттэрэ
ГТО нуорматын туттарар этибит, көр-корүдьүөс бөҕө буолара. Өйдөөн
хаалбыт түгэним, Мүрү орто оскуола учууталлара хайыһар суолун
бүөлээн халҕаһалыы анньан иһэллэрэ. Аны сыыр кэлбитигэр, бары са-
таан түспэккэ, Ия Петровна Рыбкина хайыһарын устан, салааска оҥос-
тон түспүтэ. Онтон Ульяна Тартакинова, Троева бэрт эрэйинэн аллараа
төкүнүһэн түспүттэрэ, үөрүү-көтүү бөҕө буолбуттара.
Мин Иван Михайловичтыын оскуолаҕа бииргэ үлэлээбитим.
1991 сыл былаас уларыйан, дойду үрдүнэн ыһыллыы-тоҕуллуу, ула-
хан тэрилтэлэр сабыллан, бюджетной эрэ тэрилтэлэр үлэлээх кур-