Page 272 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
кэргэҥҥитин, аҕаҕытын, эһэҕитин сүтэрбит ыар аһыыгытын тулу-
йуҥ, олох салҕанар.
Лена Игнатьевна АРЖАКОВА,
ХИФУ Медицинскэй институтун
кафедратын доцена, СР Үрдүк үорзҕин туйгуна.

Убайым, учууталым

Мин убаастыыр убайым, үөрэппит учууталым
Иван Михайлович Жирков туһунан ахтан-сана-
ан ааһыахпын баҕарабын. Кини биһиги ийэбит
өттүнэн чугас аймахтыыларбыт. Оҕо сылдьан ки-
нилэргэ улахан бырааһынньыктарга мустарбыт.
Ол кэмҥэ кинилэр ийэлэрин Балбаараны, Уйбаан
уонна убайа Мэхээлэ дьиэ кэргэттэрэ буолан, бары
бииргэ олороллоро.
Кэлин биһигиттэн чугас уһаайба ыланнар, саҥа дьиэ туттубутта-
ра. Мин аҕам Илья Павлович сааһын тухары тутууга үлэлээбит бу­
олан, Иван Михайловичтаах саҥа дьиэ тутталларыгар сүбэһиттэрэ
буолбута. Дьиэлэрин аҕам прорабтаан, бириинчиктээн, кыһаллан
туттарбыта. Онон чугасыһан сылдьыһарбыт өссө элбээбитэ. Кинилэр
улахан кыыстара Леналыын биһиги наһаа тапсарбыт.
Уонна саамай өйдүүрүм, урут куобах дэлэйин саҕана аймахтар
мустан, Бээрийэ Арыылааҕар күө-дьаа буолан, үөрэн-көтөн элбэх
киһи буолан айанныыллара. Мин өйдүүрбүнэн, онно таайбыт Хабы-
рыыс, Баһылай, Миитэрэй, Мэхээлэ, Бээчэ, Уйбаан, аҕам о.д.а. дьон
буолан бараллара... Биһиги дьиэбит таһыгар мусталлара. Итинник,
син хас да сыл бултаабыттара, куобах бөҕө аҕалар этилэр. Аҕам кэ­
лин муҥхаҕа сыстыбыта. Табаарыстарынаан улахан муҥха оҥостон,
балыктыыр буолбуттара. Дьараамаҕа баран муҥхалыыллар этэ,
наһаа да эмис, лэһигирэс соболоох күөл этэ. Муҥхалыы бардахта-
рына, дьонум тыыларыгар олорон күөллэригэр киирэллэр үһү. Аҕам
бэйэтэ тыытын эрдэрэ, саамай эрэнэр киһитигэр Уйбааҥҥа муҥха-
тын түһэттэрэр үһү уонна хайаан да: «Баанньа, олох харбаатнайдык
түһэр...», - диэн тыллаах буолар үһү. Онон Уйбаан муҥхаҕа аҕабар
саамай сүрүн киһитэ буолара. Аҕам муҥхаһыттарын испииһэгэр
Иван Михайлович Жирков диэн инники суруллубут буолааччы...
Иван Михайлович Мүрү аҕыс кылаастаах оскуолатыгар физкуль­
тура учууталынан үлэлээбитэ. Төһө да аймаҕым буоллар, мин кинит-