Page 267 - Улуус спордун үйэтиппит учуутал, тренер. Иван Жирков

Кэрэ киһи - убайым барахсан

Сыл-хонук түргэнник, элэҥнэччи элэс гынан
ааһан иһэр. Убайым Иван Михайлович туһунан
ахтыыта суруй диэбиттэригэр, ааспыт оҕо сааһым
сылларыгар тиийэ сырыттым. Хайдах этэй, убай-
бын бастакы көрүүм, билсиһиим...
Иван дьоно ол сайын Тандаҕа киирэн-тахсан,
биһиэхэ дьукаах олорбуттара. Күтүөппүт Мэхээс
почта начаалынньыгын солбуйан үлэлиирэ. Иван
биһиэхэ от ыйыгар кэлбит курдук өйдүүбүн. Кини
Омскайдааҕы физкультурнай институту бүтэрэн, Тандаҕа кэлбити-
гэр аан бастаан көрбүтүм. Убайбыт будьурхай баттахтаах, хатыныр
гынан баран, бэйэтигэр сөп эттээх-сииннээх, спортивнай быһыы-
лаах-таһаалаах сахаҕа кыраһыабай киһи этэ. Мин кинини көрөөт,
наһаа да үчүгэй, кыраһыабай убайдаах эбиппин диэн үөрэ, киэн тута
санаабытынан утуйан хаалбытым.
Сарсыҥҥы күнүгэр оҥой-
соҥой көрбүт-истибит алта
кыра оҕону бэйэтин тула олор-
дубута, соҕурууттан аҕалбыт <,
чымадаанын аспыта, биһиги
харахпытын араарбакка, кини Щ
хас биирдии хамсаныытын абы-
лаппыттыы көрө олорбуппут.
Чымадаан иһиттэн хаһан да ха-
рахтаан көрбөтөх сиэдэрэй мал-
ларбытын таһааран, оҕо аайы кэһиитин туттаран кэбиспитэ.
Миэхэ күнтэн хаххалыыр саһархай дьүһүннээх пластмасса куон-
дара түбэспитэ, ону тута төбөбөр кэтэ охсоот, ыалбыт оҕолорун кыт-
та үрэххэ сөтүөлүү сүүрбүтүм. Ол баран иһэн, соҕуруу дойду кэһии-
тин бары кэтэн, боруобалаан үөрүү-көтүү бөҕө буолбуппут.
Иван аҕыйах күн буолбута эрээри, биһиэхэ, оҕолорго умнуллу-
бат түгэннэри хаалларбыт эбит. Ол саҕана биһиги мае ампаардаах
этибит, оҕолор сайын онно утуйар, куйаас күннэргэ сөрүүкүүр, сын-
ньанар сирбит этэ. Бары кэккэлэһэ сытан, убайбыт Иван остуоруйа
кэпсиирин сэҥээрэн, дьиктиргээн истэрбит. Билигин кэлэн санаа-
тахпына, «Дьулуруйар Ньургун Боотур» олоҥхоттон быһа тардан
кэпсиир эбит. Кини олоҥхо хае биирдии дьоруойун саҥатын артыыс