Page 269 - Улуус спордун үйэтиппит учуутал, тренер. Иван Жирков

дьон кыһалҕатын чугастык ылынар, көмөлөһөр үтүө киһи буолара.
Кыыһым Алена Дьокуускайга педагогическай институкка киир-
битигэр, кыыспын көрдөрөөрү Иваннаах Марияҕа күүлэйдии бар-
быппыт. Дьонум үөрэ-көтө көрсөн, ирэ-хоро кэпсэтэн, чэйдээн
баран, дьиэбитигэр бараары таҕыстыбыт. Оптуобуһу күүтэр сиргэ
баран истэхпитинэ, саҥаһым Мария сүүрэн кэлэн биһигини тохтот-
то: «Убайгыт эһигини эккирэтиннэрэ ыытта. Ити туох эрэ наадалаах
кэлэн баран, ону сатаан эппэтилэр быһыылаах. Ону билиэххэ наада.
Куорат сиргэ, баҕар, харчыга наадыйбыттара буолуо, эбэтэр, Але­
на кэргэн тахсан, сыбаайба оҥороору харчынан көмөлөһүннэрээри
гыммыттара дуу?», - диэбит этэ.
Кэлин санаатахпына, убайбыттан биир наһаа боростуойа суох
көрдөһүү оҥорбут эбиппин. Кыыһым үөрэххэ киирэн баран уопсай-
га кыайан тиксибэтэҕэ, мин дьонум “дьиэлэригэр иккиэлэр эрэ” диэ-
биттэригэр убайбар тиийэн, уһуну-киэҥи толкуйдаабакка эрэ,“кыыһы
эһиги илдьэ олоруҥ эрэ” диэбитим. Иван, биллэн турар, сөбүлэспитэ.
Саҥаһым Мария: «Оҕону олордор наһаа улахан эппиэтинэс. Үөрэҕит-
тэн хойутаан, сороҕор ыкса киэһэ кэллэҕинэ, биһиги утуйар уубут кө-
төр. Балта эн буолаҥҥын сөбүлэстэ», - диэбитэ. Кырдьык, оспот-сүп-
пэт сүрэх баастаах, ыар сүтүктээх дьоҥҥо ити наһаа улахан эппиэтинэс
буоларын өйдөөбүтүм. Ити саҕана убайбыт сүрэҕинэн мөлтөөбүт
кэмэ эбит. Алена бэйэтэ сүүрэн-көтөн кэпсэтэн, уопсай дьиэҕэ киир-
битэ. Саастаах, ыалдьар дьонум оҕобор кыһаммыттарыгар махтана-
бын. Төһө да убайым бэйэтин доруобуйата айгыраатар, чугас дьонун
кыһалҕатын быһаара олорбута. Ити аһыныгас санаата Иван Михай­
лович киһи, аймах-хаан быһыытынан үрдүгүн, кэрэмэһин көрдөрөр.
Кэнники сылларга убайбыт биһигини барыбытын түмэ сатыыра.
Дьоннорбут төрүт дойдуларыгар - Бээрийэ Тоноҕоһугар мустуохпу-
тун баҕарар этэ. Ити ыра санаата, баҕата доруобуйата да мөлтөөн,
бу, тэнийбит хамсык ыарыыттан кыайан туолбата.
Убайбыт Иван Михайлович сырдык сыдьаайдаах мөссүөнүн,
ыраас дууһатын, үтүө санаатын бары сүрэхпитигэр илдьэ сыл-
дьыахпыт. Убайбыт Иван туһунан оҕолорбутугар, сиэннэрбитигэр
кэпсээн, кэрэ киһи туһунан умнуллубат номох оҥостуохпут.

Ульяна Федоровна АНДРОСОВА-ВАСИЛЬЕВА, болта,
үлэ бэтэрээнэ,Уус Алдан оройуонун толоруулаах юмитиэтин, «Ге­
рои Егоров» аатынан сопхуос бочуотунай
грамоталардаах, «Асчыт Тарбаахап үөрэнээччитэ»
сэртипиюэттээх, Таатта улууһа, Баайаҕа Томторо.