Page 274 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Тоноҕоско улааппыппыт

Мин аҕам Роман Романович Васильев уонна
Иван Михайлович Жирков чугас аймахтыы буолал-
лар. Эһэм Арамаан Уйбаанабыс уонна Уйбаан ийэтэ
Балбаара Уйбаанабына бииргэ төрөөбүттэр. Бээрийэ
нэһилиэгин биир мааны сиринэн - Тоноҕос буолар.
Киэҥ сыһыылардаах, ходуһалардаах Тэмигиттэ диэн
анды түһэр, өлгөм балыктаах биэрэстэ кэриҥэ эр-
гиирдээх төгүрүк күөллээх, араас элбэх балыктаах
Танда үрэҕэ ыраас дьэҥкир уутун манан сүүрүгүрдэр.
Бу манна мин аҕам, Уйбаан сайынын аайы сөтүөлээн-күөлэһи-
йэн, сыралаах үлэҕэ сыһыарыллыбыт оҕо саастара ааспыт сирэ этэ.
Кинилэри кытта бииргэ улааппыт өссө биир убайым Сергей Сер­
геевич Васильев ахтарынан, биир кэмҥэ уолаттар сөтүөлүү барар
ыҥырыыларын Уйбаан айбыт үһү: «Купайский майыстаан, исче­
зают комары...». Итинник диэн баран, бары харса суох үрэххэ аара
таҥастарын уста-уста сүүрэллэр үһү. «Мүрү орто оскуолатыгар
үөрэнэр кэмигэр спордунан дьарыктанар буолан, лаппа эбиллэн кэ-
лээччи. Сүүрүүгэ, ыстаҥаҕа, кылыыга, атах оонньуутугар барыбы-
тын баһыйара. Сүүрэ-көтө сылдьан тустууга барыбытын холкутук
быраҕара», - диэн ахталлар этэ.
Кэлин биһиги эһэбит Арамаан Уйбаанабыс, эбэбит Аана Ньыыла-
бына сайылаан олорор кэмнэригэр Тоноҕоспут барахсан лыахтаах-
үрүмэччилээх киэҥ хонууларыгар сүүрэн-көтөн, үрэх ыраас уулаах
чүөмпэлэригэр сөтүөлээн, кэрэ айылҕатын, сирин аһын, булдун,
балыгын эппитинэн-хааммытынан билбит буоламмыт, куруутун сы-
лаастык ахтабыт-саныыбыт.
Аҕам Арамаан Арамаанабыс бастаан Бээрийэҕэ учуутал идэтинэн
үлэтин саҕалаан баран, 1975 сылгаоройуон киинигэр Бороҕоҥҥо көһөн
киирэн баран, эһиилги сылыгар Майаҕас аҕыс кылаастаах оскуолаты­
гар дириэктэринэн ананан уонтан тахса сыл үлэлээбитэ. Ийэбинээн
Василиса Николаевналыын биһигини, балтыбынаан Машалыын, икки
оҕону иитэн киһи-хара оҥорон, атахпытыгар туруорбуттара.
Бороҕоҥҥо олорбут кэммитигэр убайым Уйбааннааҕы кытта дьэ,
арыый ыкса билсибитим буолуо... Улахан кыыстара Леналыын биир
сылга төрөөбүппүт, миигиттэн биир ый кэриҥэ балыс этэ. Оскуо-
лаҕа киириэм иннинэ дьоммунаан ыалдьыттыы тиийэр этибит, онно
балтыларбын кытта Леналыын, Варенькалыын дуоһуйа оонньуур-