Page 281 - Улуус спордун үйэтиппит учуутал, тренер. Иван Жирков

раа уонна тэтиэнэх буолам-
мын, үксүгэр уолаттары кыт-
та тэҥҥэ бииргэ мэниктээн,
оонньоон улааппытым.
Билигин Носовка диэн
түөлбэҕэ олоробун. Кэргэним
Афанасий Носов Орто Ха-
лыматтан төрүттээх, “Сель-
хозтехникаҕа” уһуннук, олохтон барыар диэри үлэлээбитэ. Кэргэм-
минээн икки кыыс оҕоломмуппут, билигин бэйэлэрэ туспа ыаллар,
оҕолордоохтор. Биһиги ыал Мүрү эбэҕэ Чараҥ уонна Майаҕас икки
ардыгар, ол саҕана кураанах хонууга дьиэ туттубуппут. Ити кэннэ
биһиги холобурбутунан элбэх ыал дьиэ туттаннар, билигин Носовка
диэн бэйэтэ туспа дэриэбинэ буолла.
Мин оскуола кэннэ Бороҕоҥҥо по-
чтаҕа Иван Михайлович аҕатын кытта
бииргэ үлэлии сылдьыбытым. Мэхээс
- Михаил Васильевич «Албан аат»ди-
эн бойобуой уордьаннаах, арҕааҥҥы
уоттаах сэрии кыттыылааҕа, инбэли-
итэ. Кини сүрдээх сымнаҕас, холку
майгылааҕа. Ваня ийэтэ Балбаара хол-
куос туруу үлэһитэ этэ. Мэхээстээх ула-
атан эрэр оҕолорун үөрэттэрээри Бо-
роҕоҥҥо көһөн киирэн, дьиэ-уот туттан
олорбуттара. Ваня кэлин соҕуруу үрдүк үөрэҕи бүтэрэн, Дүпсүн
орто оскуолатыгар сүрдээх ситиһиилээхтик үлэлии сырыттаҕына,
Бороҕоҥҥо спортивнай оскуола аһыллыбытыгар тириэньэринэн
үлэҕэ ылбыттарыгар, мин дьоммор олоро сылдьыбыта. Бэйэтин
төрөппүттэрэ ол кэмҥэ Дүпсүҥҥэ олороллоро, аҕалара Мэхээс по-
чтаҕа начальниктыыра.
1968 сыллаахха Иван Михайлович Мария Никоновналыын ыал
буолан олохторун холбообуттара. Ол уруу малааһынын дьоро киэһэ-
тигэр биһиги хаан-аймах бары ыҥырыллан сылдьыбыппыт, эдэрдэр-
гэ дьоллоох олоҕу түстээн ыллаан-туойан алгыспытын эппиппит.
Бу кэлин сааһыран, доруобуйам мөлтөөн, Иван Михайлович биэр-
бит сүбэтинэн тымныы ууну куттан доруобуйаны хатырҕатыахтаах
этим, ону хараҕым ыалдьар буолан кыайан туһамматаҕым. Ол онну-
гар ыраас ууну элбэҕи иһэн, организмы шлактан ыраастыыр туһу-