Page 282 - Улуус спордун үйэтиппит учуутал, тренер. Иван Жирков
P. 282
Улуус спордун үйэтиппит учуутал, тренер
нан сүбэтин ылынан, ууну элбэҕи иһэбин, туһанабын. Быраатым
мэлдьи дьоҥҥо сүбэ-ама биэрэрэ. Ол сэрии ыар кэмигэр төрөөбүт
буолан, кыра эрдэҕинэ иһинэн улаханнык ыалдьа сылдьыбыт буо-
лан, доруобуйата мөлтөһүөр соҕуһун, биһиги тымныы дойдубуту-
гар хайыһарынан дьарыктанан көннөрөн, олус бэрээдэктээхтик, чел
олоҕу тутуһан аҕыс уон икки сааһыгар тиийэ олорон кэллэҕэ. Кини
үлэтин-хамнаһын үөрэппит оҕолоро, бииргэ үлэлээбҥг коллегалара,
бииргэ сүүрбүт-көппүт спортсменнара сиһилии ахтыахтара, онон
ону эридьиэстээбэппин.
Быраатым Иван Михайлович сырдык аатын оҕолорбут, сиэннэр-
бит кэнэҕэһин даҕаны билиэхтэрэ уонна өйдүөхтэрэ. Инникитин
утум-удьуор салҕана туруо!
Агафья Семеновна ВАСИЛЬЕВА, үлэ бэтэрээнэ, Хоро
нэһилиэгин бочуоттаах олохтооҕо, «Уус Алдан улууһун
култууратын саидыытыгар кылаатын пһин» бэлиэлээх.
Ахтылҕан
Мин убайбын - өрөспүүбүлүкэ биллэр спорт-
сменын, үгүс улахан наҕараадалар хаһаайынын
Иван Михайлович Жиркову ахтыыбар иһирэхтик
ахтан-санаан ааһыаҕым.
Иван Михайловиһы мин оҕо эрдэхпиттэн билэ-
бин. Кинини кытары алтыһыыбын олоҕум биир
үтүөкэн кэрчик кэмин курдук саныыбын. 1960-1970
сыллар этэ. Оччолорго мин Дүпсүн орто оскуола-
тыгар үөрэнэрим. Арай оҕолортон: «Саҥа физрук
кэлбит, кытаанах, ирдэбиллээх үһү», - диэни иһиттим. Сарсыҥҥы
күнүгэр уруокка чахчы да спортивнай быһыылаах, сиртэн-буортан
тэйбит курдук чэнчис киһи киирэн кэлбитэ. Өйдөөн көрбүтүм -
убайым Иван Михайлович этэ.
Дьэ, ол күнтэн саҕаланна, биһиги оскуолабытыгар чахчы да
саҥалыы спортивнай олох. Маҥнай биһиги спортивнай формабы-
тыгар кытаанах ирдэбили киллэрэн, бука бары уруокка анал фор-
маламмыппыт. Ол күнтэн саҕалаан, саалабытыгар анал спортивнай
тэриллэр атыылаһыллан барбыттара. Оччолорго даҕаны Дүпсүн
орто оскуолатыгар үгүс чулуу спортсменнар бааллара, оройуоҥҥа,
өрөспүүбүлүкэҕэ өрүү ситиһиилэнэллэрэ. Онтон Иван Михайло-
