Page 285 - Улуус спордун үйэтиппит учуутал, тренер. Иван Жирков

оҕо состоруулаах тиийэрим буол-
лар, эмиэ да син этэ, ону буоллаҕы-
на, куруутун үстэн итэҕэһэ суох
оҕолордоох хас да хонукка түһэн,
ас арааһын, минньигэһин аһаан,
сымнаҕас ороҥҥо утуйан, ийэли-
и-аҕалыы көрүллэн, өссө кэһи-
илээх дьиэбитигэр төннөөччүбүт.
Таайбыт оскуолаҕа үлэлиир буо-
лан, сарсыарда эрдэ үлэлии барара,
киэһээ хойут кэлэрэ, ол да буоллар,
киэһээ аһылыкка барыбытын түмэн, бүгүҥҥү күн хайдах ааспытын
ыалдьыттарыттан саҕалаан, бэйэтин дьиэ кэргэнигэр тиийэ ыйыта-
лаһан, түмүгэр барыбытыгар сүбэ-ама биэрэн, сорох сорохторго са-
наабытын көтөҕөн, сарсыҥҥы күҥҥэ эмиэ бигэ эрэллээх, ким күрэх-
тэһэ, ким үлэлии, ким үөрэнэ барарга бэлэм буолааччыбыт.
Кэлин таайым сааһыран олорон, уһанарын наһаа сөбүлүүр буол-
бут этэ. Бастакы оҕом төрөөбүтүгэр кыра олоппос оҥорон биэрбитэ,
билигин да туһалыы сылдьар, ол да кэннэ атын оҥорбут оҥоһуктара
бааллар. Дойдубар кэлэр дьону куруутун бастакынан көрсөр ыска-
мыайкалаахпыт, мае күөрчэхтээхпит уонна бу саас, дьоммор таа­
йым бэйэтэ оҥорбут саахыматтыыр остуолун уонна саахыматтарын
бэлэхтээбитэ. Ону саахыматтыы кэлбит ыалдьыттар кэлэн көрөн,
сөҕөн-махтайан бараллар.
Ити курдук, таайым Иван Михайлович куруук барыбыт туһугар
кыһаллар, түмэ тардар киһибит этэ. Бу күн сириттэн барбыта наһаа
хомолтолоох, куруутун өйдүү-саныы, ахта сылдьыахпыт.

Лена Михайловна ВАСИЛЬЕВА,
балта, РБ2 методист-бырааһа,
СР доруобуйаҕа харыстабылын туйгуна.
Дьокуускай.