Page 305 - Улуус спордун үйэтиппит учуутал, тренер. Иван Жирков

Убайым өйөбүлүгэр махтанабын

Биһиги аҕабыт Илья Романович Васильев аҕата
Роман Иванович уонна убайбыт Иван Михайлович
Жирков ийэтэ Варвара Ивановна бииргэ төрөөбүт-
тэр этэ. Бээрийэ нэһилиэгэр Тоноҕос диэн сиргэ
олорбуттар. Урут кыра сылдьан, биирдэ эмит аҕа-
бын кытта Бороҕоҥҥо киирдэхпитинэ, эдьиий-
дээхпитигэр Варвара Ивановналаахха сылдьар
этибит. Эдьиийбит биһигини куруутун үөрэ-көтө
көрсөр этэ. Сүрдээх ыалдьытымсах, аһыныгас
сүрэхтээҕэ, сытыары-сымнаҕас майгылааҕа.
Мин өр кэмҥэ Бээрийэ маҕаһыыныгар техүлэһитинэн, атыылаач-
чынан үлэлээбитим. 2001 сыл сайын үлэбэр сарбыйыыга түбэһэн,
саас үлэ көрдөһө Бороҕоҥҥо киирбитим. Сайын «Лөгөй» ФАПК тэ-
рилтэтигэр ыскылаат сэбиэдиссэйинэн үлэҕэ ылбыттара. Куортамҥа
дьиэ көрдөһөрбүн истэн, убайым Иван Михайловичтаах ыҥыр-
быттара. Урукку өттүгэр улаханнык билсибэтэх буолан, хайдах эрэ
толло, куттана саныы-саныы барбытым. Убайым уонна саҥаһым
сүрдээх эйэҕэстик, үөрэ-көтө көрсүбүттэригэр наһаа үөрбүтүм.
Саҥаһым остуол бэлэмнээн, кэпсэтэ-кэпсэтэ чэйдээбиппит. Кинилэр
кыһын куоракка кыстыы барар буолан, дьиэлэригэр миигин олорор-
бор эппиттэригэр үөрүүнэн сөбүлэспитим. Ол курдук, биир кыһыны
этэҥҥэ кыстаабытым.
Убайым «Уус Алдан чулуу спортсменнара (ХХ-с үйэҕэ)» диэн
кинигэтин таһааттараары элбэх ахтыы, матырыйаал хомуйаары хас
эмит хонукка Бороҕоҥҥо кэлэн дьиэтигэр хонон-өрөөн барара. Сар-
сыарда эрдэ туран, үлэбэр барыам иннинэ эбиэс хааһытын буһаран
бэлэмнээн кэбистэхпинэ, убайым үөрэр аҕай этэ. Саҥаспын кытта
кэпсэттэҕинэ, “хата, балтым баар буолан, мин атаахтаатым аҕай”,
- диэн күлэрэ. Киэһэ чэйдии олорон, наар дьоммутун ахтан кэпсэ-
тэр этибит. Биһиги аҕабытын саамай ытыктыыр, убаастыыр убайым
этэ диирэ. «Бу дьиэбит көҥдөйө тутуллуутугар эһиги аҕаҕыт кэлэн
улаханнык көмөлөһөн турардаах. Убайым Ылдьаапый айылҕат-
тан бэрдэриилээх, сахаҕа бөдөҥ-садаҥ киһи этэ, анаан дьарыктам-
мыта буоллар, биллэр сүүрүк буолара хаалбыта. Кырдьаҕастарга
ГТО многоборьетыгар кыттан, 1973 сыллаахха оройуонугар уонна
өрөспүүбүлүкэҕэ бастаан, Чита куоракка Уһук Илин зонатын күрэх-