Page 301 - Улуус спордун үйэтиппит учуутал, тренер. Иван Жирков

буолан, үөрбүтүм
да этэ...
Убайбыт Вася
сүрдээх сымса этэ.
Кинилиин эккирэ-
тиһэ оонньуур-
бутун өйдүүбүн.
Биирдэ үрдүк
1998 сыл баҕайьт саҥа ам-
паарбыт үрдүттэн
ыстанан түһэн, харахпар олох дьоруой курдук көстүбүтэ... Ол оло-
рон, арай биирдэ сөтүөлүү сырыттахпытына, эдьиийдэрим Улялаах
Люба эмиэ сөтүөлүү кэллилэр. Арай көрбүтүм - Уля наһаа үчүгэй
араҥас өҥнөөх козыректаах эбит. Ону ыйыталаспыппар, хантан эрэ
ыраахтан Мэхээстээх Ваня диэн уоллара кэлбитин уонна оҕолорго
барыларыгар кэһии үллэрбитин кэпсээтилэр. Миигин эмиэ: «Дьи-
эҕэр бар, эйиэхэ эмиэ кэһии аҕалбыта буолуо», - диэтилэр. Мин
муҥ кыраайбынан дьиэбэр ыстанным, эдьиийдэрим эмиэ кэнни-
биттэн сүүрэн кэллилэр. Убайбыт Ваня ампаарга кинигэ ааҕа сытар
эбит. Онно миигин эдьиийдэрим киниэхэ үтэйдилэр: «Бу балтыбыт
Нюшка сөтүөлээн кэллэ», - диэтилэр. Билигин өйдүүбүн: убайбыт,
устудьуон киһи, хас оҕону ааҕан кэһии ылар кыаҕа суоҕун уонна
кэһии эрэйбит оҕолорго бэйэтин малый бэлэхтээбигин. Ол козыре-
гун, араас спортивнай значоктарын...
Ваня барыбытын ыҥыран ылан оронун тула олордон, остуоруйа
бөҕө кэпсээбитэ. Оннук хас күн аайы саҥаттан - саҥа остуоруйала-
ры кэпсиирэ. Киэһээтин барыбытын мунньан, араас хамсаныылаах
оонньуулары оонньотоллоро. Онно биһиги убайбыт Коля Ванялыын
арахсан икки хамаанда тэрийэн, олус да көхтөөхтүк оонньуурбут.
Ваня сотору барбыта, кини оннугар Мэхээстээх улахан уоллара Ми­
хаил кэлэн барбыта. Биһиги аны киниэхэ иилистэн остуоруйа, хам­
саныылаах оонньуу көрдөөн арахпакка барбыппыт. Михаил сүрдээх
эйэҕэс эрээри, дуоспуруннаах, олох улахан киһи курдуга, биһигин-
ниин оонньооботоҕо даҕаны, остуоруйа да кэпсээбэтэҕэ. «Ваня
наһаа элбэх остуоруйаны билэр этэ», - диэбиппитигэр, хата, күлэ-о-
онньуу: «Сымыйанан кэпсиир буоллаҕа дии», - диэбитэ. Кэлин
Ваня кэпсээбит Чаачахаанын, Туйаарыма Куотун бэйэм ааҕан баран:
«Олох да сымыйанан кэпсээбэтэх», - диэн испэр убайбын көмүскэһэ
санаабытым.