Page 336 - Улуус спордун үйэтиппит учуутал, тренер. Иван Жирков
P. 336
Улуус спордун уйэтиппит учуутал, тренер
Куп тэт, күндү киһим,
Кэлбит үбүлүөйүҥ күпүнэн!
Үөрэн-көтөн уруйдаст,
Айхаллыырбын көкүплээ!
Сааһырдыбыт диэн ончу,
Санаарҕаамыах дуу, доҕоччуок,
Олох устар уһун суолун
Бүтэр уһук көнөтүн.
Бииргэ көрсөр туһугар
Бигэ тылы бэрсиһэн,
Күүһү-уоҕу түмүнүөх,
Санаабытын күүһүрдүөх!
Олохпут устата үгүс
үтүө кэмнэр, үрдүк
үөрүүлэр хараҥа, ыара-
хан өрүттэри баһыйал-
лара. Бэйэ-бэйэбитин
таптаһан, хардарыта ыты-
ктаһан, таҥнарсыбакка,
иирсибэккэ, сахалыы көнө
сүрүнүнэы олорон кэлбип-
пит. Ол мэктиэтинэн 2018
сыллаахха кыһыл көмүс
сыбаайбабытын бэлиэтээ-
биппит. Онно анаан «Олохпут омоон суолунан» диэн кинигэбитин
оҕолорбутугар, сиэннэрбитигэр, аймахтарбытыгар, Иван Михайо-
вич «Сыдьаайар сырдык санаалар» диэн бэйэтин хоһооннорун хо-
муурунньугун ыалдьыттарыгар бэлэхтээбитэ уонна көмө-тирэх бу-
олбут аймахтарбытыгар өйдөбүнньүк бэлэхтэри туттарбыта. Аны
туран дьоро киэһэбит чэрчитинэн ыытыллыбыт араас оонньуулар,
куонкурустар түмүктэринэн, бэйэтэ оҥорбут саахымат фигуралар-
даах дьэрэкээн остуолун кылаан-бириис быһыытынан оонньоппута.
Бука, эрдэ барарын билбит курдук, кэриэс быһыытынан өйдүү-са-
ныы сырыттыннар диэн, ороскуотун, сыратын-сылбатын аахсыбак-
ка итинник тэрийбитэ.
Аны куоракка киирэн баран, эмиэ таах олорботоҕо. Бастаан «Уус
Алдан чулуу спортсменнара (ХХ-с үйэҕэ)» диэн кинигэни таһаарар-
га бэйэтэ сыралаһан, сыалын-соругун ситиспитэ. Бастаан хомуйбут
