Page 338 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

Ыһыах күнэ, бэс ыйа, Сиэннэри кытта.
2012 сыл, Бороҕон Атырдьах ыйа, 2021 сыл

спорсменнары этэллэрэ, бары ааттаммыт кандидатуралары ырытал-
лара, дьүүллэһэллэрэ, онтон киллэрэбит диэн биир түмүккэ кэллэх-
тэринэ, кимтэн ирдиири, төлөпүөн нүөмэрдэрин этэллэрэ. Аны саа-
май улахан, ис-сүрэхтэн көмөнү үөрэнээччитэ Мария Коммунаровна
Попова оҥорбута. Ол да иһин буолуо, учуутала Иван Михайлович
кинини кинигэҕэ эрэдээктэринэн буолаҕын диэн, бэйэтэ аккаастана-
рын үрдүнэн, мас-таас курдук этэн кэбиспитэ.
Иван Михайлович бэйэтэ спортсменнарга, аймахтарга, кэриэстэ-
бил кинигэлэргэ 36 киһиэхэ ахтыы суруйан биэрбит, онтон киниэхэ
үс эрэ кинигэни тиксэрбэтэхтэр эбит.
Саамай хомолтолооҕо, элбэх сыранан бэлэмнээбит кинигэтэ
тахсарын, Бороҕоҥҥо буолуохтаах спорт улахан бырааһынньыгын,
аны сиэннэрэ атырдьах ыйыгар Мииринэйтэн кэлэллэрин көрбөк-
кө, бэйэтэ эппитинэн: “Кинилэргэ анаан бэлэх бэлэмнээбиппитин
көрбөккө, кыттыбакка, көрсүбэккэ эрдэлээн баран эрдэҕим кыһыы-
тыан...», - диэбитэ. Бу орто туруу бараан дойдуга олохтон таптыыр
кэргэним, аҕабыт, эһэбит барахсан сиэрдээхтик арахсыбыта. Быраа-
һа Варяҕа: «Кини ыалдьар ыарыытын дьон олох тулуйбакка, ыһыы-
хаһыы, аймалҕан бөҕө буолан бараахтыыллар», - диэбит этэ. Ки­
ниэхэ куорат онколог-быраастара химиотерапия оннугар халымыр
(щадящай) эми аныыбыт, таблетка быһыытынан иһиэҥ диэбиттэри-
гэр, олус үөрбүтэ. Ахтылҕаннаах дойдубар тахсан сибиэһэй салгы-
нынан тыыныам, холкутук сынньаныам, эмтэниэм диэбитэ. Ол эрээ-
ри, Бороҕоҥҥо тахсан биэс эрэ хоноот, сүрэҕэ ыалдьан балыыһаҕа
киирбитэ. Онтон, кини орто дойдуттан арахсара бу тирээн кэлбитин
билэн буоллаҕа, эмтиир бырааһыгар араспыыска сурук суруйан, бэс