Page 337 - Улуус спордун үйэтиппит учуутал, тренер. Иван Жирков

матырыйаалын Компьютерра бэчээттэтэргэ кэскиллээх дьыала эбит
диэн өйдөөн уонна кэмигэр өйөөн, үбүн-харчытын Матрена Семе­
новна Москвитина көмөлөспүтэ. Онтон сигнальнай экземпляры
бэчээттииргэ Мүрү 1 №-дээх орто оскуолатын физикаҕа учууталын
Николай Васильевич Аммосовы көрдөспүтүгэр сүрдээх үчүгэй,
өҥнөөх барыйаанын оҥорон биэрбитэ. Салгыы Уус Алдантан төрүт-
тээх, көмөлөһүөн сөптөөх дьоҥгго доҕорунаан, уруккута доруобуйа
харыстабылын миниистиринэн үлэлээбит Иван Иванович Мест-
никовтыын хоннохторугар кыбына сылдьан, бу кинигэ тахсарыгар
көмөлөһөллөрүгэр элбэх киһини кытта кэпсэтэннэр, кинигэтэ күн
сирин көрбүтэ.
Онон муҥурданан хаалбакка, улуус кыраайы үөрэтэр музейыгар
спортивнай саала аһылларын ситиспитэ. Маны бэлэмнииргэ үгүс
үтүмэн үлэ ыытыллыбыта. Манна киниэхэ улахан көмөнү Тандатаа-
ҕы таайын Федор Иванович Васильев уола Иван Федорович оҥор-
бута. Быраата Ваня спортсменнар хаартыскаларын сканердаан, А5
формакка өҥнөөх гына бэчээттэтэн, ламинаттаан биэрбитэ, олор би-
лигин музей фондатыгар ууруллан сыталлар. Маны таһынан Иван
Михайлович чулуу спортсменнартан бэйэлэрин туе олохторун,
үлэҕэ, спорка ситиһиилэрин туһунан сырдатар 35 кэриҥэ фотоаль­
бом оҥорон бэлэхтииллэрин ситиспитэ уонна спорка сыһыаннаах
маллары (мэтээллэр, Кубоктар, спорт инвентара уо.д.а.) хомуйан,
көрдөрүүгэ туруорбута.
Дьокуускай куорат Баһылай Манчаары аагынан национальнай
спорт көрүҥнэрин «Модун» киинин хабылык, хаамыска тренерэ На­
дежда Николаевна Белолюбская көрдөһүүтүнэн, биир комплекка 30
устуука киирэр 340 комплект хабылыгы (барыга 7200 устуука хабы­
лык маһын) уонна 340 комплект хаамысканы, саха быһаҕынан кыһан
оҥорон биэрбитэ. Манан Иван Михайлович өбүгэлэрбит оонньуулара
үүнэр көлүөнэҕэ тарҕанарыгар сэмэй кылаатын киллэрбитэ.
Онтон кэлин үс сылга, Бороҕоҥҥо ыытыллыахтаах Саха сирин
норуоттарын У111-с спортивнай оонньууларын көрсө тахсыахтаах,
иккис кинигэтигэр 218 бэтэрээн туһунан ахтыыны дьаныһан туран
хомуйан, сааһылаан, бэлэмнээн, тэрийэр кэмитиэт редакцияҕа элек-
троннай барыйаанын туттарбыта. Манна киниэхэ улууспут спорка
бэтэрээннэрин Субэтин кыттыылаахтара Василий Румянцев, Семен
Черноградскай, бэтэрээн-спортсмен Мария Егоровна Соловьева,
спортивнай суруналыыс Петр Павлов күүс-көмө буолбуттара. Ки-
нилэр бу улахан кинигэҕэ ааттара киирэн үйэтитиллиэн сөптөөх