Page 341 - Улуус спордун үйэтиппит учуутал, тренер. Иван Жирков

Сака дъыл, 2012 сыл. Ыам ыйа, 2017 сыл.

игэр саба түһэрэ. Мин оннук дьээбэлэнэрин наһаа сөбүлүүр этим.
Сороҕор кыыһырбыта буолабын, оччоҕо ааттаһара. Ааттаһан араас
таптал ааппынан барытынан ааттыыр, сыллыыр, туох эмит минньи-
гэс биэрэр. Кэлин балайда улаатан баран, туохтан эмит дьиҥнээхтии
кыыһыран, остуолтан туран бардахпына, эдьиийим этэр этэ: «Паапа,
ааттаһыма, атаах кыыһы». Ону мин син-биир аҕам миэхэ кэлиэ диэн
билэр этим. Кырдььтк даҕаны, аҕам тиийэн кэлэн уоскутар уонна
төттөрү илдьэ барар этэ. Оннук курдук миэхэ аҕам олус чугас киһим
этэ: саамай миигин өйдүүр, саамай миигин аһынар, саамай миэхэ
ыалдьар. Уопсайынан мин паапа оҕото этим.
Аҕабыт үлэтиттэн быыс булан кыһыҥҥы киэһэлэргэ биһиэхэ кии-
нэ проекторынан кылгас киинэлэри, мультфильмнары көрдөрөр этэ.
Оо, оччоҕо дьоро киэһээ буолар этэ биһиэхэ. И йэлээх аҕабыт төһө
даҕаны бириэмэлэрэ суох буоллар, биһигини кытары тэҥҥэ олорон
көрөллөрө уонна тэҥҥэ үөрэллэр этэ.
Саҥа Дьыл чугаһаатаҕына харыйаны киллэттэрэ охсоору аҕа-
бытын ааларбыт. Хал буолуохтара диэн кэтэһиннэрэ түһэн баран,
дьиэ үрдүттэн харыйаны уонна харыйа оонньуурдарын киллэрэрэ.
Ол тымныыга турбут хоруопкалар сибиэһэй салгын сыттаах буолал-
лара. Билигин оннук тымныы сытын ыллахпына, аҕам харыйаны
киллэрбитин уонна оҕо эрдэҕинээҕи Саҥа дьылы саныыбын. Хас
сыл аайы сүрэҕэлдьээбэккэ, оҕолорго интэриэһинэй буоллун диэн,
дьиэни Саҥа дьылга бэлэмнээн, араастаан киэргэтэр этэ: флажокта-
ры, гирляндалары, дождиктары да ыйыыр, хаардары да оҥорор, бэл
ийэбин кытта ыйдаах, сулустардаах истэнэни бүрүйэр матырыйаалы
улахан маарылаттан тигэн ыйааччылар. Аҕам өссө араас мультик-
тар дьоруойдарын уруһуйдаан былакаат оҥорон ыйааччы. Дьэ, ону