Page 57 - Улуус спордун үйэтиппит учуутал, тренер. Иван Жирков

Онтон 1972 сыл сааһыгар Дьокуускай куоракка республикаҕа
оскуола оҕолорун спартакиадатыгар, оччотооҕуга диэри кыайта-
рары билбэтэх Алдан, Ленскэй оройуоннарын кэннибитигэр хаал-
ларан, бастакы миэстэни ылар дьолломмуппут, Проня Харитонов,
Римма Крылова бириистээх миэстэҕэ тиксибиттэрэ.
Саамай биһиги өйбүтүгэр хатанан хаалбыт түгэнинэн Проня Ха­
ритонов, Костя Дегтярев, Ваня Троев буолан, эстафетанан сүүрүүгэ
барыларын кэннибитигэр хаалларан, бастакы миэстэ буолуубут этэ.
Иван Михайлович миигин ити эстафетаҕа сүүрүүгэ бастакы этээпкэ
туруорбута (5 км сиргэ). Ол иннинэ 5,10 км дистанцияларга бастаабыт
Алдантан Гена Васильевы кытта бэрт хатыһыылаах киирсии кэннит-
тэн бэрт кыранан хаалан, иккис кэлиим хамаанданан кыайыыбытыгар
төрүөт буолбута. Дьэ, итинтэн саҕаламмыта уон сыл устата төрөөбүт
У ус Алданым оройуонун, «Урожай», «Спартак» обществоларын уоба-
ластааҕы сэбиэттэригэр, Саха государственнай университетын (СГУ)
күрэхтэһиилэригэр эстафетанан сүүрүүлэргэ наар бастакы этээпкэ,
оскуола оҕолоругар, юниордарга, улахан дьоҥҥо, биирдэ даҕаны киһи
кэнниттэн кэлбэтэх күүрээннээх күрэхтэһиилэрим.
Иван Михайлович итиннэ инникини өтө көрөр, оҕо киһи талаа-
нын табатык арыйар сүдү талааннаах тренер буолара арылхайдык
көстүбүтэ дии саныыбын. Кэлин оскуоланы бүтэрэн, Иван Ми-
хайловичтан арахсан да баран, кини уһуйбут хайыһарын спордун
таптаан, төһө да СГУ-гар тутуу инженерии идэтин ылар түбүктээх
үөрэххэ үөрэннэрбин, юниордарга уонна улахан дьоҥҥо республи­
ка үгүс күрэхтэһиитигэр, спартакиадаларыгар, «Спартак» общество
уобаластааҕы сэбиэтин, СГУ, Дьокуускай куорат күрэхтэһиилэрин
кыайыылаахтарынан буолбутум, биэс сыл устата университет чем-
пионунан, хамаанда капитанынан сылдьыбыт дьоллоохпун.
Иван Михайловичка дьарыктанар кэммитигэр бииргэ эрчилли-
бит, биир хамаандаҕа сүүрбүт, кэлин Дьокуускайдааҕы 1 -гы №-дээх
педагогическай училищены ситиһиилээхтик үөрэнэн бүтэрбит, рес­
публика «Урожай» общество уобаластааҕы сэбиэтин юниордарга
элбэх төгүллээх, Сибиир уонна Уһук Илин орто үөрэҕин кыһаларын
устудьуоннарын чемпиона буолбут Римма Крыловалыын 1976 сыл-
лаахха олохпутун холбоон ыал буолан, түөрт оҕону төрөтөн-иитэн
дьон оҥортоон, олох дьолун булбуппутугар тренербитигэр Иван Ми­
хайловичка махталбыт мунура суох.
Икки кыра уоллаах кыыспыт Римма уонна Коля бэйэбитин утум-
наан хайыһар спордунан умсугуйан дьарыктанан, иккиэн оскуола