Page 54 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
бэйэтэ отторо. Ол кэмҥэ хайыһарбыт баазата оҕолорунан, улахан дьо-
нунан туолара. Тэрилтэлэр тахсан ГТО нуорматын туттараллара.
Иван Михайлович хайыһар методикатын баһылаабыт, таптыыр
идэтигэр бэриниилээх буолан, элбэх ыччаты хайыһар спордугар
үөрэтэн, иитэн таһаарбыта. Ол оҕолоро - Проня Харитонов, Коля
Костромин, Сеня Черноградский, Вася Колодезников, Римма Кос-
тромина, Наташа Иванова, Валя Истомина үтүөкэн хайыһардьыт
буолан, оскуолаларын, улуустарын аатын ааттаппыттара.
Мин Иван Михайлович салалтатынан, такайыытынан үгүс сыл
оройуоммут, республика күүстээх хайыһардьыттарын кытта респуб-
ликабыт чиэһин бииргэ сылдьан элбэхтик көмүскээбиппит.
Ол курдук 1965 с. Хабаровскайга Уһук Илин уонна Сибиир
күрэхтэһиитигэр Иван Жирков, Мария Соловьева, Анатолий Наход-
кин, И.Н. Попов, Александра Куличкина, Павел Скрябин, Антонина
Неустроева, Гаврил Попов уонна мин сылдьыбыппыт. Онтон 1972 с.
Барнаулга Уһук Илин күрэхтэһиитигэр Гаврил Попов, Николай Заха­
ров, Егор Евграфов, Иван Жирков, Руслан Платонов, мин, Рая Попова,
Павел Харитонов күрэхтэспиппит. Оччолорго миэхэ үчүгэй хайыһа-
рым суоҕа. Ньиэрпэ тириититтэн тигиллибит унтуулаах этим. Нуучча
кыргыттара: «Атыылаа», - диэн хаайар этилэр. Онтубун, эргэ да буол-
лар, харыһыйарым. Ону истэн Иван Михайлович: «Эн ити хайыһары
атыылаһар кыаҕыҥ суох. Ити хайыһары Сойуус сборнайын чилиэн-
нэрэ тэбэллэр», - диэн быһаарбыта уонна бэйэтэ кэпсэтэн, унтуубун
хайыһарга атастаспыта. Онон мин «Ярвинен» диэн хайыһардаммы-
тым. Ол хайыһарым билигин даҕаны баар. Оттон унтуум оннугар
атыы-эргиэн баһаарыттан хаатыҥка ылан биэрбитэ.
Бороҕоҥҥо 1973 сыллаахха «Урожай» общество республикатааҕы
күрэхтэһиитэ буолбута. Бэйэбит дойдубутугар буолан, ордук эппиэт-
тээх этэ. Бу күрэхтэһиигэ бастааммыт олус үөрбүппүт-көппүппүт.
Иван Михайлович сынньалаҥҥа тахсан да баран, мээнэ олорбо-
тоҕо. Иккис улахан үлэтэ саҕаламмыта. Ол курдук сүүрэн-көтөн,
өр кэмҥэ матырыйаал мунньан «Уус Алдан чулуу спортсменнара
(ХХ-с үйэҕэ)» диэн кинигэни суруйбута. Бу үлэтигэр матырыйаалы
хомуйууга элбэх сыратын биэрбитэ. Ол да буоллар, 2004 с. кинигэ-
тин күн сирин көрдөрбүтэ. Уус алданнар бастакынан спортивнай
кинигэлэммиппит диэн үөрбүппүт. Кэнники кэмҥэ кини ыалдьа-
рын туһунан сурахтар кэлэр буолбуттара. Ону ол диэбэккэ, «Мүрү
саһарҕата» хаһыакка спортсменнары сырдатар ыстатыйалары та-
һаарбыта.