Page 58 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
оҕолоругар республика, Сибиир уонна Уһук Илии чемпионнара, при-
зердара буолбуттара. Кыыспыт Римма салгыы утумнаахтык дьарыкта-
нан, улахан дьоҥҥо эмиэ республика, Сибиир уонна Уһук Илии элбэх
төгүллээх чемпиона, Новосибирскай курдук Сибиир саамай спортив-
най уобалаһын чемпиона буолан, хайыһарга Россия спордун мааста-
рын нуорматын саха дьахталларыттан биир бастакынан толорбута. Бу
көрдөрүүлэртэн сиэттэрэн тренербит ото корон дьарыктаабыта иккис
көлүөнэҕэ өрөгөйдөөх кыайыылары аҕалбытыттан бары да астына-
быт, мээнэ саҥа аллайан таһаарбат үөрүүбүт, киэн туттуубут буолар.
Тренербит Иван Михайлович ырааҕы анааран оҥорбут үтүөтэ биһи-
ги дьиэ кэргэҥҥэ итинэн эрэ бүппэт. Мин 1978 сыллаахха үөрэхпин
бүтэрэн, Өлүөхүмэ оройуонугар тутуу маастарынан үлэҕэ ананан,
дьиэ кэргэммин илдьэ көһөн тиийбиппит. Онно тиийэн, төһө да ту­
туу үлэһитэ буолларбын, спордунан дьарыктанарбын бырахпатаҕым.
Киэһэтин үлэһит ыччаты түмэн спорт араас көрүҥүнэн дьарыктаан,
«Якутселвстрой» трест Өлүөхүмэтээҕи ПМК-тын оройуоҥҥа ыытыл-
лар спорт араас көрүҥэр күрэхтэһиилэргэ инники күөҥҥэ таһаарар-
бын корон, оройуон салалтата Өлүөхүмэ оройуонун физкультураҕа
уонна спортка кэмитиэтин бэрэссэдээтэлинэн үлэҕэ анаабыта.
Маныаха Иван Михайлович үөрэппит үөрэҕэ, такайбыт така-
йыыта иккис тыынын ылбыта. Ол курдук, кэргэмминээн Риммалыын
оройуон хайыһарга хамаандатын баһылаан-көһүлээн, бэйэбит ха-
маанда састаабыгар киирэн сүүрэн, 1981 сыллааха бу иннинэ хаһан
да үрдүк ситиһиилэри ситиспэтэх Өлүөхүмэ оройуонун хамаандата
Бороҕоҥҥо ыытыллыбыт «Урожай» уопсастыба уобаластааҕы сэбиэ-
тин уонна Саха сирин норуоттарын УШ-с кыһыҥҥы спартакиадатын
кыайыылааҕа буолбута. Оройуонтан икки киһи - Алексей Мордов­
ской уонна Римма Костромина — спартакиада призердарынан буо­
лан, Советскай Сойуус спордун маастарыгар кандидат нуорматын
толорбуттара, мин бэйэм таптаан сүүрэр эстафеталарбар «Урожай»
чемпиона, республика призера буолбуппунан киэн туттабын.
Иван Михайлович киһи быһыытынан көрдөрбүт холобура, иип-
пит иитиитэ, такайбыт такайыыта кэлин спортан тэйэн араас үлэ-
лэргэ үлэлиир кэмнэрбэр олоххо дьулуһуу, үрдүккэ тардыһыы,
дьоҥҥо-сэргэҕэ болҕомтолоохтук сыһыаннаһыы, туохха барытыгар
хамаандаҕа тирэҕирии үтүө холобура буолбуттара. Онон олохпор
ситиспит ситиһиилэрбэр халбаҥнаабат бөҕө акылааты уурбут киһи-
битигэр биһиги дьиэ кэргэн дириҥник сүгүрүйэбит, махтанабыт.
Тапталлаах тренербит сырдык мөссүөнэ үйэ-саас тухары биһиги өй-