Page 52 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Жирковтар сайын аайы кэлэн отонноон, оҕуруот аһын бөҕөнү
олордон, үүннэрэн, хомуйан бараллара. Саас кинилэр кэлэллэригэр
Айааллаах Толя сайын иһэр ууларын мууһун булууска уган бэлэм-
нииллэрэ, онтон Михаил Бурцевтаах дьиэлэрин оттон сылыталлара.
Былырыын саас Мииринэйгэ олорор улахан кыыстара Лена ыарахан
ыарыыттан эмискэ суох буолбут ыар сураҕын истэн ыаллара бары
наһаа курутуйдубут. Оттон төрөппүт дьоҥҥо төһөлөөх улахан сүтүк
буоларын киһи тылынан кыайан эппэт...
Иван Михайлович тиһэх үлэтинэн, эһиил Бороҕоҥҥо ыытыл-
лыахтаах Саха сирин норуоттарын \ТП-с спортнвнай оонньуула-
рыгар анааан улууспутугар спорт уонна физкультура сайдыыларын
гуһунан улахан кинигэни суруйан бэлэмнээһинэ буолбута. Онно үгүс
ахтыыны эккирэтиһэн хомуйан, бэрээдэктээн, көннөрөн, чочуйан,
бэйэтэ даҕаны сааһыран, мөлтөөн эрэр доруобуйалаах киһи сүрдээх
илистиилээх үлэни көрсүбүтэ сэрэйиллэр... Бу улахан кэриэс буол­
бут үлэтин бэчээккэ бэлэмнээн, улуус хаһыатын эрэдээксийэтигэр
гуттаран баран, кинигэтэ киэҥ эйгэҕэ тахсарын көрбөккө, биһиги
кэккэбититтэн барда... Онон улууспутугар чулуу спортсменнары
үйэтитиигэ кини киллэрбит сүҥкэн кылаата кэнники дьиҥнээхтик
сыаналаныа диэн эрэнэбин. Кырдьыга даҕаны, Иван Михайлович
ким даҕаны күһэйиитэ суох, бэйэтин ис сүрэҕиттэн турунан, сурук-
ка тиһэн, бу кинигэлэргэ Уус Алдан чулуу спортсменнарын аатта-
рын-суолларын, кинилэр ситиһиилэрин историяҕа хааллардаҕа.
Улахан учуутал, тренер, күүстээх спортсмен, улууспут дьиҥнээх
патриота Иван Михайлович Жирков үтүө аата Уус Алдан улууһун
үөрэхтээһиҥҥэ уонна спорка салааларыгар кыһыл көмүс буукубала-
рынан суруллуоҕа уонна үүнэр көлүөнэлэргэ үтүө холобур буолан
үйэлэргэ ахтыллыаҕа.

Ирина Константиновна БАСЫГЫСОВА,
СӨ санэпиднадзорун сулууспатын туйгуна,
СӨ улэгр бочуоттаах ветерана, спорт ветерана,
Мурү нэһилиэгин бочуоттаах олохтооҕо.