Page 63 - Улуус спордун үйэтиппит учуутал, тренер. Иван Жирков

«Урожай» күрэхтэһиитин кэнниттэн Саха сирин норуоттарын
УШ-с кыһыҥҥы спартакиадатыгар икки төгүл 5 км, 10 км иккис при-
зерынан буолан, хайыһарга Советскай Сойуус спордун маастарыгар
кандидат нуорматын толорбутум. Оттон Орто Халымаҕа олорон, хо-
тугу норуоттар кыһыҥҥы спартакиадаларыгар иккитэ абсолютнай
чемпион буолбутум, хамаанда икки сыл бастыырын ситиспиппит. Ол
курдук ханна да тиийдэрбит, ханна да олордорбут Иван Михайло­
вич такайбыт, үөрэппит маастарыстыбатын туһанан, баһылаан, Уус
Алдан, Өлүөхүмэ, Орто Халыма, Нерюнгри оройуоннарын чиэһин
дьахталларга уонна бэтэрээннэргэ улахан ыал ийэтэ, эбэтэ буолан да
баран, ситиһиилээхтик көмүскээбитим, инники күөҥҥэ таһаарсыбы-
тым. Олоҕум устатын тухары чөл олоҕу тутуһабын уонна эдэр ычча-
ты угуйабын. Онуоха тренербит Иван Михайлович таһырдьа тахсан
тымныы ууну куттарын истэн, ваннаҕа да буоллар, тымныы ууну
куттар буолбутум туһата элбэх.
Убайбытынаан Прокопий Семенович Крыловтуун Иван Михай­
лович оскуолаҕа биир кылааска үөрэммиттэрэ. Иван Михайлович:
«Прокопий миигин хайыһарга угуйан, хайыһардьыт буолбутум.
Былыр палка эҥин диэн суох этэ, ону кини миэхэ маһынан палка
оҥорон биэрбитэ», - диэн кэпсээбитэ. Өссө: «Прокопий олох үчү-
гэйдик чэпчэки атлетиканан, десятиборьенан, хайыһарынан даҕаны
дьарыктанара, кыайталыыра, миэстэлэһэрэ, хайыһарга кинини «Ко­
роль лыжни» диэн ааттыыллара», - диэбитэ.
1976 сылтан олоҕум аргыһа, оҕолорго, юниордарга, улахан
дьоҥҥо, хайыһарга уонна биатлоҥҥа «Урожай», «Спартак» общес-
тволар уонна республика элбэх төгүллээх чемпиона, призера Нико­
лай Костромин уолбутунаан Колялыын Нерюнгри куоракка «Аҕа
күрэҕин» икки төгүллээх, республикаҕа аҕа күрэҕэр бэрэбинэни
эрбээһиҥҥэ уонна комплекснай эстафетаҕа, Нерюнгри куорат спор-
тиҥҥа аан бастакы күрэхтэһиитин кыайыылаахтара. Биһиги икки
уол, икки кыыс оҕону төрөтөн улаатыннаран, үрдүк үөрэҕи бүтэт-
тэрэн ыал оҥортоон, сиэннэрбитин, хос сиэммитин бүөбэйдиир
дьон буолан дьоллонон, Дьокуускай куоракка олоробут.
Улахан уол Олимпий Москубатааҕы экономика, статистика уон­
на информатика государственнай университетын юридическай фа-
культетын, СР Президенин иһинэн салайар каадырдары бэлэмниир
институту бүтэрбитэ. Улахан кыыс Сардана - Москубатааҕы пот­
ребкооперация университетын Хабаровскайдааҕы филиалыгар эко­
номика салаатын, кыра кыыс Римма - Хотугу-Илиҥҥи федеральнай