Page 66 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
төһөлөөх элбэх сүүһүнэн оҕону, ыччаты физкультураны, спорду
таптыырга угуйбута, үөрэппитэ буолуой?! Кэлин кини республика
спорткэмитиэтин бэрэссэдээтэлинэн үлэлии олорон, оройуоммут
спорка дьоҕурдаах ыччатын соҕуруу ыытан үрдүк үөрэхтэргэ үөрэт-
тэрбитэ. Холобур, хайыһардьыт Егор Федорович Габышевы Моску-
батааҕы И.В. Сталин аатынан физкультурнай институкка, тустуук
Василий Гаврильевич Румянцевы Ленинградтааҕы Герцен аатынан
педагогическай институкка, хайыһардьыт Иван Михайлович Жирко­
вы Омскайдааҕы физкультурнай институкка уо.д.а.
Сэрии кэмигэр уонна кэнниттэн спорка улахан кылааты киллэр-
бит Мүрү орто оскуолатын физкультура учууталларын ааттарын
ахтан ааһыахпын баҕарабын. А.И. Федоров, Д.Г. Павлов, И.И. Кри-
вошапкин, И.Х. Кондратьев, Ф.Н. Готовцев. Бу оскуолаҕа үөрэммит
бастыҥ спортсменнар Б.М. Иванов, Т.И. Иванова (Черноградская),
И.С. Румянцев, И.С. Протодьяконов, В.В. Сыромятников, И.С. Кры­
лов, И.И. Местников, И.М. Жирков уо.д.а. Кинилэр бары Н.Н. Тар-
скайы туе бэйэтин билэр, киниттэн сүбэни-аманы, күүһү-көмөнү,
аҕалыы алгыһы ылбыт буоланнар, күүстэрин-уохтарын, билиилэ-
рин-көрүүлэрин үүнэр көлүөнэ спортсменнарын кытта толору үллэс-
тибит дьон бьтһыытынан сыаналыыбын. Ол курдук, бу үтүө холобур
көлүөнэттэн көлүөнэҕэ эстафета быһыытынан бэриллэ туруоҕа.
Мин Иван Михайловиһы 1964 сыллаахха саас алтыс кылааска
үөрэнэ сылдьан оройуон күүстээх хайыһардьыттарын кытта спорт
кэмитиэтин бэрэссэдээтэлэ А.А. Протопопов ыҥырыытынан олим-
пийскай чемпионнар Алевтина уонна Павел Колчиннар кэлэн ыып-
пыт үөрэтэр-практическай дьарыктарыгар (билигин маастар кылаас
дииллэр) көрбүтүм. Тулунаттан учууталбыт Е.Ф. Габышев 10-ча
оҕону илдьэ киирэн сырытыннарбыта. Кини ааттаах-суоллаах Па­
вел Колчины Москубаҕа үөрэнэ сылдьан тус билсэр киһитэ эбит этэ.
Үөрэтии кэнниттэн 3 км күрэхтэһии курдук сүүрүү буолбута. Онно
Иван Михайлович эрэллээхтик бастаабыта. Манна Борис Иванов,
Анатолий Находкин, Иван Бурнашев, Егор Габышев уонна оҕолор
сүүрбүттэрэ. ССРС үтүөлээх маастардара кэргэннии Колчиннар
олус үрдүк таһымнаах спортсмен буолалларын онно корон бары
сөхпүппүт, итэҕэйбиппит.
Мүрүгэ 1966 сыллаахха спортивнай оскуола аһыллыыгыгар ха-
йыһар филиалыгар үөрэнэ киирбитим. Тулунаҕа түөрт сылы быһа
Е.Ф. Габышевка физкультура, уруһуй, черчение, үлэ уруоктарыгар
үөрэммиппит, хайыһар спордугар суолу тэлэн үктэннэрбит бастакы