Page 67 - Улуус спордун үйэтиппит учуутал, тренер. Иван Жирков

тренерим буолар. Егор Федорович спорт оскуолатын дириэктэринэн
ананан үлэтин саҕалаабыта, сылы кыайбат үлэлээн баран, ыалдьан,
олохтон туораабыта.
Биһиэхэ Семен Петрович Ушницкай тренердиирэ. Иван Михай­
лович бастаан старшай тренер, онтон дириэктэр буолбута. Бэйэлэрэ
күүскэ сүүрэ-көтө сылдьар кэмнэрэ буолан, үксүн күрэхтэһиилэргэ,
эрчиллэр түмсүүлэргэ сылдьар этилэр. Ол саҕана күүстээх спортсмен-
нары оройуон туһугар туһанар сыалтан, спорт кэмитиэт салайааччыта
А. А. Протопопов эрдэ өйдөөн ыыппыт үлэтин-хамнаһын түмүгэ эбит.
Ол курдук С.И. Черноградскай, эмиэ тренер быһыытынан ананан ба­
ран, наар дьарыктаммыт уонна күрэхтэспит эбит. Ол иһин соҕуруу
хайалаах сирдэргэ тиийэн эрчиллэн, күрэхтэһэн спортсмен быһыы-
тынан идэтийиитин таһымын үрдэтиини ситиспиттэр. Кэлин биһиги
эмиэ оннук курдук эрчиллэр түмсүүлэргэ, элбэх күрэхтэһиигэ сыл-
дьыбынпыт. Саамай сүрүнэ диэн - орто хамнаһы ылар гына райиспол­
ком уурааҕын таһаартараллара. Ол иһин үп-ас өттүнэн кэм хааччыл-
лыылаах буолан, холкутук эрчиллэн, күрэхтэһэн кэлэр этибит.
Кэлин учууталлыыр, тренердиир кэмнэрбэр учууталым, настав-
нигым диэн улаханнык ытыктыыр киһим Иван Михайлович этэ.
Кини суруксут быһыытынан олус грамотнай, сөптөөх методическай
бэлэмнээх, үлэҕэ үрдүк ирдэбиллээх, ылсыбыта барыта ыраас-чэн-
чис, уурбут-туппут курдук туттуулаах, холку, сымнаҕас майгылаах
- бары өттүнэн улахан буукубаттан суруллар Учуутал этэ. Ону киһи
барыта туоһулуур. Элбэх күрэхтэһиигэ бииргэ кыттан, утарыта да
филиалларбытынан илин-кэлин түсүһэн, кыайдахпытына үөрэн-
көтөн, кыайтардахпытына кыһыйан-абаран, бииргэ үлэлээн ааспыт
кэмнэрбитин астына даҕаны саныыбын.
Иван Михайлович үчүгэй, талааннаах фотограф этэ. Тулунаҕа
спортивнай лааҕырга сылдьан фотостендэ оҥорон, лааҕыр олоҕун
сырдатара, барыбытын үөрдэрэ. Киэһээтин Бороҕоннуур, сар-
сыҥҥы күнүгэр эбиэккэ «Биллэрии дуоскатыгар» комментарийдаах
хаартыска бөҕө ыйанан турара уопсай сэргэхсийиини таһаарар этэ.
Киинэни да устууну, миигиттэн үөрэнэн, үчүгэйдик баһылаабыта,
үлэбитигэр техниканы ырытан элбэхтик туттар этибит. Тренердэр
биир санаанан салайтаран түмсүүлээхтик үлэлээбиппит.
Күүстээх хайыһардьыт, биатлонист Алексей Пестряков Людмила
Адамованы кэргэн ылан, Курбуһахха 1976 сыллаахха ыкса күһүн ки-
нилэр ыал буолар урууларын малааһыныгар ыҥырыллан ыалдьыттаа-
быппыт. Бары туе туһунан матассыыкылынап И.Х. Кондратьев («Оҕон-