Page 10 - Уйэ анаара тустуу сайдыытыгар

сия спордун маастара буолары ситиспитэ, Саха Республикатын
улахан дьоҥҥо, эдэрдэргэ, оҕолорго уопсайа алтата бастаабы-
та, элбэхтэ призер буолуталаабыта. Курбуһахха үөрэнэ сылдьан,
Россия оҕолорго спартакиадатыгар үһүс бириистээх миэстэни
ылбыта.
Мин Курбуһахтааҕы тустуу филиалыгар үөрэнэ сылдьаммын
иккитэ республика «Урожай» обществотын чемпиона буолбутум,
Улан Удэҕэ, Абакаҥҥа, Алма-Атаҕа Бүтүн Сойуустааҕы турнирдар-
га миэстэлэспитим. Кэлин армияттан кэлэн бараммын хапсаҕай-
даһан тустууга Баһылай Манчаары спартакиадатыгар иккитэ
иккис буолуталаабытым, хары баттаһыыга республикаҕа чемпи-
оннаабытым, Саха сирин спартакиадатыгар миэстэлэспитим.
Курбуһахха биһигини кытта элбэх талааннаах уолаттар тус-
туунан дьарыктаммыттара, мин саныахпар, олох уларыйыыта
дьайбатаҕа, дойду эстибэтэҕэ буоллар элбэх уол тахсыахтаах этэ.
Курбуһахтар оччолорго улууспутугар 1-2 миэстэҕэ оруйуоммут
киинин Бороҕону кытта эрийсэрбит, үксүгэр кыайар этибит. Мин
ааттыахпын баҕарабын, оччотооҕу ыччаттартан элбэх араас Бүтүн
Сойуустааҕы, российскай, республиканскай турнирдар кыайыы-
лаахтарын, призердарын Андрей, Герман Христофоровтары, Ин­
нокентий Бурнашевы, Томскай Витяны, Аммосов Степаны, Тата­
ринов Сергейи, Аммосов Игоры, Аммосов Васяны, Пухов Мичили,
Егоров Никитаны, Бурнашев Айаалы, Кыняхыров Андрейы, Ер­
молаев Сашаны, Ермолаев Андрейы, Местников Сашаны, Про­
топопов Юраны, Ермолаев Сеняны, Васильев Бориһы, Аммосов
Максимы, Местников Олеги уо.д.а.
Күрэхтэһэ барарбытыгар тренербит ЗИЛ массыынаны кэпсэ-
тэн, кузов үрдүгэр мааттары тэлгэтэн баран сытан айанныырбыт.
Үрдүбүтүгэр эмиэ маатынан тоҥмотуннар диэн сабар этилэр. Аны
туран интернат оҕолоруттан элбэх уол табахтыыр этэ. Алексей
Николаевич ол ыччаттары кытта араастаан киирсэн биэрэрэ.
Курбуһах филиалыттан саамай тахсыылаахтык тустубут
иитиллээччинэн Андрей Христофоров буолар. Кини Курбуһахтан

8