Page 11 - Уйэ анаара тустуу сайдыытыгар

тиийэн оҕолорго Советскай Союз иккис призера буолан турар.
Кэлин эдэрдэргэ ол көрдөрүутүн хатылаабыта, СССР-США мат-
чевай киирсиитин кыайыылааҕа буолбута уонна Монголияҕа аан
дойдутааҕы турнирга Олимпийскай чемпиону Ли Зе Сигы (Хотугу
Корея) кыайан дьонун үөрдүбүтэ.
Мин биир түгэни ахтыахпын баҕарабын. Республика чемпио-
натыгар Томскай Витя Россия оҕолорго саҥа буолбут чемпионун
Сивцев Сергейы (Чурапчы) кыайан турар, онно наһаа да үөрбүп-
пүт.
Алексей Николаевич тренер уонна педагог быһыытынан
сүрдээх билиилээх, үрдүк культуралаах учуутал диэн сыаналыы-
бын. Биһиги бары маннык киһиэхэ тустууга дьарыктанаммыт,
сири-дойдуну көрбүт, элбэҕи билбит дьоллоохпут. Кини биэрбит
билиитэ, үөрэтиитэ-такайыыта кэлин даҕаны олохпутугар туһа-
лаах буолбута диэн эттэхпинэ сыыспатым буолуо. Тренер оҕону
эт-хаан эрэ өттүнэн эрчийэр буолбатах, кини эргиччи олоххо бэ-
лэмнээх, сатабыллаах, күүстээх санаалаах, өй-санаа өттүнэн сип-
пит-хоппут дьону иитэн таһаарарга дьулуһар. Биһиги сахаларулуу
тренербит Дмитрий Петрович Коркин үөрэнээччитигэр Алексей
Николаевич Окоемов курдук киһиэхэ иитиллибиппитинэн киэн
туттабыт уонна махтанабыт.
Алексей Николаевич миигин оскуоланы бүтэрбиппин кэннэ
бэйэтэ үөрэммит Красноярскай куоратыгар илдьэн, тыа хаһаайыс-
тыбатын институтугар киллэрбитэ. Красноярскайга тустуу ула-
хан маастардарын, Олимпиада, аан дойду, Европа чемпионнарын,
призердарын Виктор Алексеевы, Ахмед Атавовы, Абдулла Магоме­
довы, Сергей Карамчаковы, Владимир Модосяны, Андрей Лыковы
кытта бииргэ дьарыктаммыппынан киэн туттабын. Краснояр­
скайга үөрэнэ сылдьаммын Россияҕа эдэрдэргэ биирдэ Махачка­
ла куоракка биэс круг, Владикавказка тоҕус круг тустан турабын.
1989 с., тоҕус круг тустарбар, Петр Юмшанов бастакытын эдэрдэр­
гэ чемпионнаабыта.

9