Page 12 - Уйэ анаара тустуу сайдыытыгар

Филиалга Алексей Николаевич кэнниттэн Петр Петрович Чер­
кашин, Спартак Николаевич Григорьев, Эрчимэн Иванович Мак­
симов, Гаврил Гаврильевич Аммосов, Никита Борисович Васильев
тренердээбиттэрэ. Билигин Эрилик Анатольевич Олесов үлэлии-
хамсыы сылдьар.
Курбуһах интернат оскуолатыгар тустуу уонна хайыһар фи­
лиала баара. Ардыгар биһиги, тустууктар, эмиэ хайыһардааччы-
быт, спортзалга хайыһар бөҕөтө баара, ону уларсарбыт. Элбэх оҕо
хайыһардыыр этэ. Мин бииргэ үөрэммит оҕолорум Пухова Мари­
на, Лазарева Рита, Бурнашев Ганя уонна үрдүкү кылаастартан Ам­
мосов Гоша, Пухов Вася, Пестрякова Настя үчүгэйдик сүүрэллэрэ,
тренердэрэ Раиса Николаевна Попова, Николай Михайлович Гу­
ляев этилэр.
Мин 1992 с. олоҕум аргыһын Парникова Ия Дмириевнаны
көрсөммүн ыал буолбутум. Ол сыл бастакы уолбут Арсен күн
сирин көрбүтэ. Арсен билигин бэйэтэ ыал аҕата, аҕыс уонна икки
саастаах уолаттардаах, бэйэ дьыалатын тэринэн үлэлии-хамсыы
сылдьар. Кыыһым Сардаана Санкт-Петербурга олорор, үөрэнэр
уонна үлэлиир. Онтон Арчылаан - алтыс, Эрсан төрдүс кылаас
үөрэнээччилэрэ, хорошистар, харбааһынынан уонна ушунан
дьарыктаналлар. Саша кыыһа Света кэргэн тахсыбыта, Дайаана
диэн кыыс оҕолоох. Света миграционнай сулууспаҕа үлэлии-
хамсыы сылдьар.
Биһигини иитэн-үөрэтэн, сылаас сыһыаннарынан улаатын-
нарбыт аймахтарбытыгар куруутун махтана саныыбыт. Үрүҥ
Аар Айыы көмөтүнэн бары арчылана, көмүскэнэ, харыстана
сылдьыахха диэн барыгытын саха дьонун ыҥырабын.

Ермолаев Наум Наумович,
хапсат)айга СР спордун маастара,
СР үөрэҕириитин ту игу на, Курбуһах нэһилиэгин бочуоттаах
OAOxmooTjo, Уус Алдан улууһун мунньаҕын депутата.
2023 с.

10