Page 13 - Уйэ анаара тустуу сайдыытыгар

Курбуһах дьонун күндүтүк саныыбын

1966 с. Уус Алдан оройуонун
оҕолорун тустууга күрэхтэһиитигэр
мин аан бастаан Бороҕоҥҥо туста
киирбитим. Ол күрэхтэһиигэ сиппит-
хоппут, модьу-таҕа көрүҥнээх Курбу-
һах уолаттарын Наум Ермолаевы, Кон­
стантин Местниковы, Михаил
Аммосовы, бэйэм ыйааһыммар бастаа-
быт Илья Аммосовы араас албастары
оҥорон кылбаҥнаталларын олус сөҕө
көрбүтүм. Кэлин улаатан иһэн кини-
лэри кытта аны бииргэ эрчиллэр киһи
буоллум. Ордук түргэнник Наум Ермолаевы кытта доҕордоспу-
тум, кини киһини кытта бэрт үчүгэйдик кэпсэтэр-испэтэр,
барыны-бары аһаҕастык быһаарсар киһи-киһитэ буолан үөрдү-
бүтэ. Ити билсэрбитигэр кини хайыы үйэ Чурапчыга сборга
сылдьыбыт, хаста да балай да улахан күрэхтэһиилэргэ кыттыбыт
буолан элбэх билиилээх уонна албастардаах эбит этэ. Миигин
«мельница» диэн албаһынан хайдах быраҕан түһэрэргэ үөрэп-
питэ. Наум эт-хаан өттүнэн эргиччи сайдыылаах буолан тустуу
араас албастарын бэрт кэбэҕэстик ылара.
Ити сылларга кини биһигини, тустууктары, эрэ көҕүлүүр
буолбакка оройуон эдэр ыччатын үчүгэйгэ, кэрэҕэ тардар биир
лидер быһыытынан биллэн барбыта. Педучилищеҕа үөрэнэр
сылларыгар ССРС спордун маастарын нуорматын толорбута,
аатырбыт тустууктары Вячеслав Карповы, Роман Неустроевы
кытта республикаҕа бастаары илин-кэлин былдьаспыта, омуктары
бурят Виктор Баймеевы, тувин Ооржагы кытта тустуталаабыта.
Биирдэ миэхэ: «Дойдубар Уус Алдаҥҥа тренеринэн үлэлии
тахсар буоллум, элбэх былааннардаахпын», - диэн сүрдээҕин
үөрэн кэпсээбитэ. Ити курдук мин эдэр сааһым доҕоро Наум

11