Page 40 - Уйэ анаара тустуу сайдыытыгар

Наумнаах холлорун этэ хойдуута, бууттарын этэ буһуута Саха
сиригэр тустуу диэн көрүҥ спорт саамай тэнийбит уонна киэҥ
араҥаны хаппыт кэмэ этэ. Хас оскуола, нэһилиэк аайы элбэх
кыттааччылаах күрэхтэһиилэр бөҕөлөрө буолаллара. Хаһыакка
биир оннук ким ханна, хайдах тустубутун пропагандалыыллара.
Оскуолаларга араас сиртэн бастын тустууктар кэлэн бэйэлэрин
да көрдөрөн элбэх саҥа приемнары да үөрэтэн, бастыҥ тустуук-
тарбытын кытта, дьону итэҕэтэн куоска кутуйаҕы тутарын курдук
кыайталаан астыннаран бараллара. Биһиги оччотооҕу оҕолор,
эргэ оскуола сценатыгар, Морозов диэн нуучча бухатыырын Саха
бастыҥ тустуугун В. Румянцевы астына да көрбүппүт. Омун-
төлөн, кэпсээн-ипсээн бөҕө буоларбыт.
Наум Ермолаев, Константин Местников оройуон бастыҥ тус-
тууктара этилэр. Кинилэри биһиги эккирэтэ сылдьан тустууларын
көрөрбүт, хайдах сатыырбытынан ыһыытаан-хаһыытаан ыал-
дьарбыт. Оройуон спартакиадатыгар күннээн тахсаллара. Атын да
нэһилиэктэртэн уолаттар бааллара. Дүпсүн Иван Соловьев эҥин
курдуктар. Оччолорго быраабыла атын. Очко ылбыт киһи куота
сылдьара көҥүллэнэрэ. Дьэ онно баара ыһыы-хаһыы, күргүй-көбүө.
Туох да наһаа астык буолара. Оччотооҕу биһиги санаабытыгар
кинилэртэн ордук тустууктар суохтар диэн өйдөбүллээх этибит.
Оччотооҕу оҕолор син дьорхоот эбиппит. Бэл, куоракка батыһан
киирэн көрөрбүт. Дьинэр үп-харчы мөлтөх дьоно буоллахпыт.
Биир оннук киириигэ Владимир Андросов диэн киһи Науммутун
кыайан, сүөм түһэн тахсыбыппыт. Онтубут кэлин билбиппит
аар-саарга аатырбыт Таатта Владимир Андросова эбит. Иэл-тиэл
этилэр. Биһиги да Науммут хара, сула наһаа былларытта сылдьы-
батар да, үчүгэй баҕайы эриллэҕэс быччыҥнардаах, чахчы үчүгэй
хапсаҕай тустуук этэ. Билигин умнубуппун. Кини хайдах эрэ
хаҥас илиитэ ордук курдук өйдүүбүн. Наум Егорович тустуу
бөҕөнү тустубут, нэһилиэгин, оройуонун чиэһин эрдээхтик кө-
мүскээбит биһиги, Курбуһахтар, күөн туттар бастыҥ киһибит
этэ. Киһи быһыытынан элэккэй бөҕө. Кини туһунан биһиэхэ

38