Page 35 - Уйэ анаара тустуу сайдыытыгар

аллара буолаллар, сүрдээх уохтаах, тэтимнээх, бырахсыылаах
тустуу буолла. Бу хапсыһыыны барытын Константин Сергеевич
Постников, Чурапчы спорт оскуолатын директора, мустубут
дьоҥҥо кэпсээн, быһааран иһэр. Түмүгэр: «Ермолаевтар тэҥнэ-
һиинэн түмүктээтилэр - доҕордоһуу кыайда!» - диэтэ. Бу тэҥ
киирсии суолтата убайбар олус улахан этэ - кытыы, анал үөрэхтээх
тустуу тренерэ суох сириттэн, аҥаардас айылҕаттан бэриллибит
дьоҕурунан, кыайыыга кытаанах дьулуурунан, Чурапчыга ааты-
ран эрэр тренер Д.П. Коркиҥҥа дьарыктаммыт уоллуун эрбии
биитин курдук эриһэн тэҥнэһиитэ. Бу ахтыллар түгэҥҥэ Наум
уол өйүгэр-санаатыгар инникигэ эрэл, кэлиэхтээх кыайыылар
өрөгөйдөрүн сырдык кыыма саҕыллыбыт буолуохтаах.
Кини оскуола кэнниттэн салгыы, олохтоохтук турунан тус-
таары, куоракка педагогическай училищеҕа үөрэнэ киирбитэ.
Ити кэмҥэ бу үөрэх кыһатыгар республика араас муннугуттан
тустар баҕалаах элбэх ыччат мустубута. Кинилэртэн кэлин ССРС
спордун маастарынан Семен Алексеев, Николай Степанов, Алек­
сей Мостахов, Юрий Васильев, Моисей Литвинцев, Константин
Местников, Владимир Никифоров, Иннокентий Протодьяконов
уо.д.а. буолбуттара. Аны туран, бу уолаттар республика сүүмэр-
дэммит хамаандатын чилиэннэрэ этилэр. Баһыйар үгүстэрэ Саха
АССР уонна РСФСР үтүөлээх тренерэ Н.Н. Волковка дьарыкта-
наллара. Күүстээх тургутууну ааһан биһиги Науммут кини бөлө-
ҕөр эрчиллэр, күүһүн-уоҕун хачайдыыр, техникатын чочуйар
чиэскэ тиксибитэ. Ити сылларга кини «Спартак» общество күрэх-
тэһиилэригэр ситиһиилэнэн, республика таһынааҕы көбүөрдэргэ
тиийэ тустара. Үчүгэйдик бэлэмнэнэн, идэлээх сойуустар Бүтүн
Сойуустааҕы турнирдарыгар тахсыылаахтык кыттан, ССРС спор­
дун маастара буолбута.
Кини Чурапчы интэринээт-оскуолатыгар Дмитрий Петрович
Коркин улахан күрэхтэһиилэр иннинэ ыытар түмсүүтүгэр элбэхтэ
дьарыктанан, эбиллэн барара. Ол түмүгэр республика күүстээх
маастардарын ахсааныгар киирбитэ. 62-68 кг ыйааһыҥҥа

33