Page 37 - Уйэ анаара тустуу сайдыытыгар

Чурапчы, Уус Алдан уолаттара

Биһиги тустар кэммитигэр Чурапчы
уонна Уус Алдан уолаттара бииргэ
дьарыктанан үчүгэйдик да сылдьар
этибит. Биһиги, Коркин уолаттара, уус
алданнары сбордарга, күрэхтэһиилэргэ
көрүстэхпитинэ бэйэ-бэйэбитин кытта
табаарыстаһан эйэлээхтик сылдьар-
быт. Конкуренция баара эрээри, хаһан
даҕаны ар-бур дэспэккэ, бэйэ-бэйэби-
тин өйдөһөр-өйөнсөр этибит.
Ити кэмҥэ Уус Алдан уолаттара
олус күүстээх састааптаах хамаанда-
лаах этилэр - Наум Ермолаев, Иван Охлопков, Николай Рожин,
Иван Соловьев, Иннокентий Халдеев. Бу күүстээх састаабы
Иннокентий Халдеев дьарыктаан илдьэ сылдьыбыта. 62 кг тустар
Наум Ермолаев диэн үтүөкэннээх тустуук баара. Кини саха биир
маныылаах уола, хомойуох иһин, сүрдээх кылгас кэмҥэ олорон,
тустан ааспыта.
Соҕуруу куораттарга сбордарга бииргэ сылдьар кэммитигэр
биһиги бэйэ-бэйэбитигэр сүрдээҕин көмөлөсүһэн, прием бөҕөнү
үөрэтиһэн, контрольнай схваткаларга сүрдээх харысхаллаахтык
тустан, дьарыктанан кэлбиппит.
1970 с. тбилисскэй турнирга кыттарга улахан сбор буолбута.
Онно сахалартан элбэх киһи сбордана барбыппыт: Наум Ермолаев,
Гоша Корнилов, Михаил Морфунов, Александр Иванов, о.д.а. Наум
киһи быһыытынан көнө майгылаах, наар мичээрдии сылдьар
сымнаҕас характердаах киһи этэ. Эрээри туста киирдэҕинэ дьэ
бэйэтин характерын көрдөрөрө. Тбилисскэй сборга сылдьан
Наум грузин уолаттарын кытта сүрдээх күүскэ тустар этэ, иннин
биэрбэтэ. ССРС сүүмэрдэммит хамаандатыгар киирбэккэбит

35