Page 38 - Уйэ анаара тустуу сайдыытыгар

турниры көрбүппүт. Тбилиси куораты көрө кэрийэр этибит,
онно Наум грузиннары кытта грузинныы акценнаах кэпсэтэн
күллэртиир буолара.
Наум тустууну сүрдээҕин билэр этэ. Сахалар туран эрэ тустар
буоламмыт атын омуктарга скороспытынан, тулуурбутунан, тех-
никабытынан кыайтарбат, иэл-диэл тэҥҥэ тустарбыт. Төһө да
Кавказ уолаттара күүстээхтэрин иһин биһиги скороспытынан
баһыйар буоламмыт кинилэргэ кыайтарбат этибит. Наум туттар
приема - ыраахтан аҥаар атахха киирии уонна мельницаны
сүрдээх үчүгэйдик оҥорор этэ. Кини курдук стиллээх тустууктар
бааллара. Коркин үөрэҕинэн туран эрэ үөһэнэн атахха киирэн
нароктары оҥорон переводтарынан тустарбыт. Бэйэ-бэйэбитин
үтүктүһэр уолаттар бары биир буочардаах этибит, биир эмит киһи
атын приему оҥорор буолара. Бу кэмнэргэ Роман Дмитриев саҥа
тахсан эрэр кэмэ этэ. Кини тустуута чыҥха атын этэ.
Наум ханнык баҕарар кэмнэргэ көрсө түстэххэ үөрэн мичээр-
дээбитинэн дорооболоһон, бырааттар-убайдар диэн үчүгэй
баҕайытык кэпсэтэн ааһара. Кини 62 кг Саха сиригэр Сахаачча
кэнниттэн үһүс нүөмэринэн сылдьара. Сүрдээх сытыытык тустара.
Тарскай бирииһигэр ыытыллар турнирдарга Саха сирин улахан
тустууктарыгар хотторбот этэ. Иннокентий Халдеев үөрэҕинэн
уолаттар сүрдээх үчүгэйдик тусталлара. Иван Соловьев 57 кг уонна
62 кг Саха сиригэр түөрт иһигэр хаһан баҕарар киирэр улахан
тустуук этэ. Үлэлии сылдьар буолан сбордарга биирдэ эмит кэлэн
тустан барара. Биһиги курдук куруук дьарыктаммыта буоллар
тахсыахтаах этэ уонна арыый саастаах да этэ.
Сүрдээх үчүгэй майгылаах үтүө киһини Науму умнубаппыт,
куруук өйдүү-саныы сылдьабыт, кини курдук дьону киһи мээнэ
умнубат. Эдэр сааспытыгар бииргэ сылдьыбыт доҕотторбут Кеша
Захаров, Наум Ермолаев хаһан да умнуллубаттар.
Наум уолаттара аҕаларын туйаҕын хатаран оскуола оҕолоругар,
эдэрдэргэ үчүгэйдик тустубуттара, эрээри аҕаларыгар тиийбэт

36