Page 54 - Уйэ анаара тустуу сайдыытыгар

Күрэхтэһиибит Чурапчыга буолбута. Сборнай хамаандабытыгар
Черкашин Петр, Орлов Илья, Жирков Иван, Сивцев Евсей, Лыткин
Николай, Оконешников Афанасий бааллара. Күрэхтэһии түмү-
гүнэн, Чурапчы хамаандата бастакы, Уус Алдан хамаандата иккис
буолбута. Черкашин Петр ыйааһыныгар чемпион, атын уолаттар
иккис, үһүс миэстэлэри ылбыппыт. Мантан саҕалаан мин дьэ
тустууга ылларан, элбэх күрэхтэһиигэ тустан, оройуон, респуб­
лика призера буолбутум. Наум Егорович талааннаах тренер этэ,
кини биһигини тустууга уһуйан, элбэххэ үөрэппитэ. Кини 1968-
1975 сс. Саха сирин, Дагестан, Дальнай Восток күрэхтэһиилэригэр
мэлдьи чемпион, призер буолара. Советскай Союз араас күрэх-
тэһиилэригэр чаҕылхай тустууну көрдөрбүтэ. Наум Егорович 1973 с.
Курбуһахха көҥүл тустуу филиала аһыллан, тренеринэн үлэтин
саҕалаабыта. Киниэхэ эрчиллэн, иитиллэн элбэх оҕо республика,
Дальнай Восток, Советскай Союз араас таһымнаах күрэхтэһии-
лэргэ кыттан чемпион, призер үрдүк аатын ылбыттара. Спортка
уһуйбут бастакы тренерим, Наум Егорович Ермолаевы, умну-
баппын, мэлдьи холобур оҥостобун.

Цой Иван Иванович,
көҥул тустууга ССРС спордун маастарыгар кандидат,
Мурү нэһилиэгин бочуоттаах олохтоогр.
Боротут, 2023 с.

Тренербин ахтан-санаан аһардахха

1980-1981 сс. Курбуһах интернат оскуолатыгар икки убайдарбын
Афоня, Игорь буолан тулаайах хаалан Ньурбаттан үөрэнэ кэл-
биппит. Начальнай кылааска үөрэнэ сылдьан Партизан Егоров
оскуолатын аҥаарыгар кыракый тустуу саалата баар буолааччы.
Кыра кылаастарга үөрэнэ сырыттахпына, мин өйдүүрбүнэн, кыл-
гас кэмҥэ тренердэринэн Рожин Николай Николаевич, Крылов

52