Page 55 - Уйэ анаара тустуу сайдыытыгар

Николай Романович үлэлээбиттэрэ.
Ол саҕана биһиги, оҕолор, оонньуу,
мэниктии сылдьааччыбыт. Улахан
уолаттары тустууга эрчийэллэрэ.
Онтон тренерим Окоемов Алексей
Николаевич кэлбитэ. Дьэ онтон ыла
тустуусекциятыгарсылдьарбуолбутум.
Бастакы сыллабытыгар кыралар үксүн
игровой буолааччы, улахан уолаттар
эрчиллэччилэр. Ол саалабытыгар
аҕыйах мааттаах буолааччыбыт,
онтубутун эрчиллэн бүтэн баран
төттөрү хомуйар этибит. Оскуола аҥаара буолан. Онтон улаата
түһэн баран, дьэ тустуу приемнарын үөрэтэн барбыппыт. Биһиги
саҕана оҕолортон Ермолаев Андрей, Саша, Наум Ермолаевтар,
Егоров Никита, Софронов Саша, Сергеев Миша уонна да элбэхтэр
этэ. Бастакы күрэхтэһиим Наум Ермолаев бирииһигэр диэн
этэ. Онно бириистээх миэстэҕэ тигистим быһыылаах, үөрүү-
көтүү бөҕөтө буолбуппун өйдүүбүн. Ол саҕана гиипсэнэн медаль
оҥорбут этилэр. Наум Ермолаев бирииһигэр турнир сыл аайы
ыытыллар буолта. Дьэ аны күрэхтэһиилэргэ барар буолбуппут.
Алексей Николаевич үлэлиирин саҕана Уус Алдан оройуонун
бөһүөлэктэригэр барытыгар сылдьыбыппыт. Оннооҕор бортовой
массыынаҕа кыһыннары маат тэлгээн айаннааччыбыт. Биһиги
саҕана Курбуһах оскуолата тустууга оройуон күрэхтэһиилэригэр
элбэхтэ бастакы миэстэ буолбуппут. Алексей Николаевич оҕолору
күрэхтэһиигэ элбэхтэ илдьэ сылдьаччы. Мин Ермолаев Сашаны
кытта Казахстанҥа, Бурятияҕа тиийэ күрэхтэһэ сылдьыбыппыт.
Оскуоланы бүтэрэр сылбар улахан дьоҥҥо оройуоҥҥа бастакы
миэстэ буолбутум. Алексей Николаевич элбэх республикаҕа
биллэр тустууктары иитэн таһаарбыта - бырааттыы-убайдыы
Герман, Андрей Христофоровтары, Наум, Саша Ермолаевтары,
Юра Протопоповы уонна да атыттары.

53