Page 56 - Уйэ анаара тустуу сайдыытыгар

Биһиги билигин даҕаны тустуукпут дэнэбит, билигин да
ветераннарга туста сылдьабыт. Алексей Николаевичка спорка
сыһыарбытыгар улахан махтал.

Кыняхыров Андрей Васильевич,
2023 С.

Филиалга дьарыктаммыт сылларым

Мин 1985 с. Уус Күөлгэ төрдүс
кылааска үөрэнэ кэлбитим. Ол сыл
күһүн саҥа спортзал үлэҕэ киирбитэ.
Аһыллыытыгар оҕолорго тустууга
күрэхтэһии буолбута. Онно Наум Его­
рович Ермолаев уола Саша тустан
ыйааһыныгар бастаабыта. Оччолорго
Саша сэттис кылаас үөрэнээччитэ онус
кылааска үөрэнэр уолу тэҥ киирсиигэ
кыайбыта. Онно сөхпүтүм аҕай уонна
тустуунан дьарыктанар эбиппин диэн
санаа киирбитэ. Оччолорго элбэх оҕо
тустуунан дьарыктанар этэ. Кылааспытыттан да элбэх уол тус-
тара. Тренеринэн Алексей Николаевич Окоемов үлэлиирэ. Оро-
йуоҥҥа күрэхтэһии бөҕө тэрийэллэрэ. Онно миэстэлэһэр этим,
сороҕор бастыырым. Бэһис кылааска өрөспүүбүлүкэтээҕи «Ди­
намо» общество турнирыгар аан бастакыбын үһүс миэстэ буол-
бутум. Алтыс кылааска эмиэ «Динамо» общество турнирыгар үһүс
миэстэ буолбутум. Сэттис кылааска Нам уонна Уус Алдан РК
ВЛКСМ республиканскай турнирдарыгар үһүс миэстэ буолута-
лаабытым. Сааһыары Комсомольск-на-Амуре куоракка ыытыл-
лыбыт Юрий Гагарин бирииһигэр Бүтүн Союзтааҕы турнирга

54