Page 61 - Уйэ анаара тустуу сайдыытыгар

Степанов Ганя, Христофоров Герман, Васильев Степан, Дьяконов
Петя, Сивцев Саша, Носов Володя курдук тахсыылаахтык тустубут
убайдары кытта биир маакка эрчиллибитим дэнэбин. Биир
кылааска оччотооҕу Сойууска биллибит Христофоров Андрей-
дыын уонна Орто Халымаҕа элбэх тустуугу эрчийбит Федоров
Алексей Максимовичтыын үөрэммитим.
Тренердарбыт Н.Н. Рожин, Н.Н. Крылов, Ю.И. Парников
барыбытын биир ыал оҕолорун курдук туппуттара, кэлин
көрүстэрбит эрэ убай-быраат курдук сыһыаннаһарбытыгар
ииппиттэрэ диэн билинэбин. Уус Күөлүн оскуолатыгар оччолорго
үөрэппит, үлэлээбитучууталларбытыгар махтанабын.

Николаев Эдуард Константинович,
Суотту нэһилиэгин спорт инструктора. 2023 с.

Курбуһахха үөрэммит сылларым

Мин Курбуһах орто оскуолатыгар
1989-1991 сс. үөрэнэр сылларбар тустуу-
нан Алексей Николаевич Окоемовка
эрчиллибитим. Ити сылларга оҕолорго
арааһынай турнирдары кыайан призер
буолуталаабытым. оскуоланы бүтэрэр
сылбар СССР спордун маастарыгар
кандидат буолары ситиспитим. Онно
үөрэнэрбэр Гаврил Павлович Окоемов,
Александр Наумович Ермолаев, хомо-
йуох иһин, билигин суохтар, биһигини
кытта тэҥҥэ эрчиллэн баай уопутта-
рын, маастарыстыбаларын биэрэллэр этэ. Онон ситиһиилэр кэл-
бит буолуохтаахтар. Мин кэммэр Аммосов Вася, Бурнашев Айаал,
игирэ Айсен, Коля Копыриннар, Ваня, Алеша Леонтьевтар, Эдик,
Спирдон Аммосовтар уонна да элбэх кыра уолаттар баар этилэр.

59