Page 62 - Уйэ анаара тустуу сайдыытыгар

Мин бэйэм Наум Наумович Ермолаев бирииһигэр бастакыбын
1984 с. төрдүс кылааска үөрэнэ сылдьан тустан 27 кг үһүс миэстэ
буолбутум. Ити Сыырдаах филиалыттан кэлэн. Ити аан бастакы
күрэхтэһиилэрбиттэн биирдэстэрэ этэ. Онтон кэлин чемпионнаан
бастакы мэтээлбин ылбытым, үөрүү, астыныы бөҕө этэ, тоҕо
диэтэр урут мэтээл диэн төрүт сэдэх этэ. 1991 с. Наум Ермолаев би-
рииһигэрулахан дьоҥҥореспубликаҕа бастакы аһаҕаскоммерчес-
кай турниры аҕам Пухов Николай Гаврильевич тэрийбитэ, ити
саҕана совхоз директорынан үлэлиир кэмэ этэ. Ити турнирга биир
спорт үтүөлээх маастара, үс норуоттар икки ардыларынааҕы кы-
лаастаах спорт маастардара, 50-тан тахса ССРС спордун маастар-
дара кыттыылаах үрдүк таһымнаах, сытыы хапсыһыылардаах
күрэх буолбута. Курбуһах тустуу оскуолатыттан онно 48 киилэҕэ
Аммосов Василий - үһүс, 52 киилэҕэ мин үһүс миэстэ буолбуппут.
Курбуһахха үөрэммит кэмнэрбэр тренер Алексей Николаевич
баай уопута, оҕону таба көрөн илдьэ сылдьара, үөрэтэрэ-такайара.
Онон махталым улахан, дьэ уонна онно Наум Наумович Ермола­
ев соҕуруу үөрэнэр, эрчиллэр этэ. Ол кэллэҕинэ саҥа приемнары,
хамсаныылары көрдөрөрө, ону маат тула олорон көрөр этибит.
Итиэннэ пааралаһан кини көрдөрбүтүн хатылыыр буоларбыт. Ол
эмиэ биһиги дьарыкпытыгар олус туһалыыра. Онон баҕарыам этэ
Курбуһах тустууга оскуолата симэлийбэккэ, тустууну саҕалаабыт
убайдарын Наум Егорович Ермолаев, Константин Дмитриевич
Местников, Степан Николаевич Васильев, Гаврил Павлович Око-
емов, Иннокентий Гаврильевич Бурнашев, Герман, Андрей Хрис-
тофоровтар, Наум, Александр Ермолаевтар курдук инники эрэл-
лэри таһаара турарыгар баҕарабын.

Пухов Мичил Николаевич,
СССР спордун маастарыгар кандидат,
Россия, Саха сирин ИсДъыала
министиэристибэтин туйгуна,
милиция, полиция ветерана

60