Page 65 - Уйэ анаара тустуу сайдыытыгар

Черкашин Ганяны, Бэйдиҥэттэн Андросов Гошаны, Суоттуттан
Охлопков Сараны кыайталаан, финалга Корнилов Егор Нико­
лаевича тахсар буолбутум. Оччолорго эдэрбин, 21 эрэ саас-
таахпын, күөгэйэр күнүм да быһыылаах этэ. Егор Корнилов
опыттаах тустааччы, атах оонньуутугар спорт маастара, респуб-
ликаҕа биллэр бөҕөс да буоллар хайдах эрэ сэрэхэдийэр эбит
этэ. Кулууп фойетын таҥаһынан туора тардыллыбыт раздевалка
муннугар кимнээх эрэ кэлэн кэпсэтэ сылдьыбыттара, саастаах
киһиэхэ очконан хоттор диэн. Ону олох буолумматаҕым, син
биир кыайара буолуо диэн буолбута. Уолаттар эрдэ сэрэппиттэрэ,
кэпсэтиэхтэрэ, киирэн биэримээр диэн. Кулууп иһэ хайдарынан
киһи этэ, ыалдьааччылар ыһыылара-хаһыылара ньиргийэн
олороро. Наум бэйэтэ секунданнаабыта, азартаах баҕайытык тугу
эрэ сүбэлиир, көрдөрөр быһылаах этэ да айдааҥҥа олох өйүм
сыыһа көтөн хаалбыта. Төһө эмэ сэрэппиттэрин үрдүнэн иккитэ
мельница диэн приемҥа киирэн биэрэн, кэлин тиһэҕэр чистай
баран хаалбытым. Ол финалга тахсарбар сүбэлээччи, ыалдьааччы
элбэх этэ да хотторон хааламмын кыһыйыы бөҕө буолбута.
Курбуһах күтүөтэ, бэйэтэ тустуук Эрдэлиир Бааска сабыс саҥа
мастерскай триколааҕын уларсыбыта эҥин. Кэлин кэҥэтэн
кэбиспиккин диэннээх этэ, кыайбытым буоллар, инньэ диэ суоҕа
эбитэ дуу. Ити күрэх тэрээһинигэр, дьону түһэриигэ, судействоҕа,
награждениеҕа Наум Егорович сүүрбүтэ-көппүтэ баһаам этэ.
Бэртээхэй күрэх буолбута, үгүстэр баҕар билигин да өйдүүллэрэ
буолуо. Суох буолар сылыгар саас андыга Сыырдаахха сыппыппыт
иккиэйэҕин. Биир соҕотох суор андыны өлөрбүппүт. Онно сыл-
дьан спартакиадаҕа бэлэмнэнэбин дии-дии халдьаайыга тахсан
үрэх устун сүүрэр, хамсаныылары оҥорор, суон соҕус чуукканы
булан көтөҕөлүүр, бэйэтин нөҥүө быраҕаттыыр этэ.
Убайбыт күлэн-үөрэн саһыгыраан, ыллаан-туойан, оһуокай-
даан, кырдьык даҕаны, киһи киһитэ, үлэһит бэрдэ этэ! Мин
оччолорго нэһилиэккэ эдэр депутат, отделение комсомольскай
тэрилтэтин секретара буола сылдьан Наум Егорович аны күһүн

63