Page 63 - Уйэ анаара тустуу сайдыытыгар

Убайым Наум туһунан

Наум мин ийэм бииргэ төрөөбүт
быраата буолан син кыра эрдэхпиттэн
көрөр, билэр этим. Сайын Томтор са-
йылыктан биһиги Хамыдалбытыгар
күүлэйдии кэллэҕинэ, сайылык оҕото
барита кинини батыһа сылдьар буо-
ларбыт. Олус күүстээх, олоҥхо буха-
тыырын курдук быыппастыгас быч-
чыҥнардаах курдук өйдүүбүн. Сайы­
лык оҕото барита мустан сөтүөлүүр
Хараҥа чүөмпэ диэн көлүйэбитин
уһаты туора таах умсан туоруурун бары
сөҕөр этибит, кэнники көрдөххө наһаа улахана да суох дойду эбит
этэ. Миигин санныгар олордон баран хаамтаҕына киһи тэҥэ суох
курдук сананар быһыылаах этим. Биирдэ, Өлөҥнөөх өтөҕөр
олорон, Өктөөп каникулун кэмигэр бэһис-алтыс кылаастарга
үөрэнэ сылдьан, дьукаахпытын Протопопов Өндүрүйээни кытта
оҕуһунан Уоһук Эбэтигэр муҥхаҕа барбыппыт. Ити син уонтан
тахса биэрэстэлээх сир буоллаҕа. Олох эрдэ туран барбыппыт.
Муҥханы үчүгэйдик өйдөөбөппүн, киһи бөҕө баар быһыылаах
этэ. Киэһэ хараҥаҕа балык үллэстиитэ буолбутугар дьон
быыһынан кууллаах балыгы соһор курдук этибит. Онно убайым
Наум баар буолан, биһиги балыкпытын оҕуспут сыарҕатыгар
аҕалан тиэйэн биэрбитин, атаҕым инчэйбитин хаатыҥкабын
устан бэйэтин портянкатынан сөрөмөхтөөн, сирэйбин саал былаа-
тынан эбии баайан, сыарҕа сабыытынан үллүйбүтүн өйдүүбүн. Ол
кэлэн иһэн тоҥмуппун билигин да умнубаппын. Өндүрүйээним
оҕуһун миинэн баран ырыа-тойук бөҕө, айаннатан хачыгыратыы,
мин дэлби тоҥоммун сотору-сотору түһэн сыарҕа кэнниттэн
сүүрэн сордонобун. Онон убайбын оҕо эрдэхпиттэн күүстээх-

61