Page 7 - Сахаайа Ермолаева Тымтык күн

ААН ТЫЛ

«Тымтык кутаа» хомуурунньук — Сахаайа хоһоонунан
айымньыларын үһүс кинигэтэ.
Бастакыта — «Күөрэгэйим ыллаата» 2011 сыллаахха,
иккиһэ — «Тыыннаах ырыа» 2014 сыллаахха бэчээттэм-
миттэрэ.
Бу үһүс хомуурунньук аата ааптар бэйэтин хоһуйбут
хоһоонуттан үөскээтэ:

Билэбин мин айар таһыммын —
Тыһыргыы умайар тымтыкпын.
Өбүгэм бэлэҕин кэриэстээн,
Кутааны күөдьүтэ сатыыбын.

Кини мэлдьи уобарастаан (ардыгар хас да өйдөбүллээн,
дириҥэтэн) суруйарын сөбүлүүрэ. Бу түгэҥҥэ «тымтык» —
кини поэтическай дьоҕура; «кутаа» — ол дьоҕурун түмүгэ
(хомуурунньук).
Сахаайа ахсааны эккирэтиспэтэҕэ, кэрэхсэнэри, туох
эмит сонуну этэргэ дьулуһара. «Хоһооннорум өссө сойо
түстүннэр, хос чочуйталыам» диирэ. Ол да иһин, бастакы
кинигэтин 30 сааһытар биирдэ бэчээттэппитэ. Дьиҥинэн,
оскуолаҕа үөрэнэ сылдьан суруйар буолбута. Маннайгы
хоһоонноро 16 сааһыттан республика хаһыаттарыгар, суру-
наалларыгар тахсыбыттара, араадьыйанан бэриллибиттэрэ.
Бэл, ити сааһыгар (16-гар) поэт Алексей Михайлов
аатынан республиканскай бириэмийэ бастакы лауреата
буолбута, онтон салгыы ийэҕэ-оҕоҕо уонна дьиэ кэргэҥҥэ
аналлаах республикатааҕы сабыылаах конкурска кыттан,
Иван Гоголев кэнниттэн иккис бириэмийэҕэ тиксибитэ.
Сойуус чилиэнэ да буоларга ыксаабатаҕа. Ол курдук,
Суруйааччылар норуоттар икки ардыларынааҕы түм-
сүүлэрин Саха сиринээҕи сойууһугар 32 сааһыгар биир­
дэ киирбитэ. Оннук айар үлэҕэ үрдүк ирдэбиллээх сэмэй
этэ.
5