Page 12 - Сахаайа Ермолаева Тымтык күн

БАСТАКЫ ОЛУК

ЧУОРААННААХ ЧОРООНУМ
(аҕыстыы субурҕа — восьмистишия)

1.

Чороонум — түөргү өй; чуорааным —
Иэйиинэн чугдаарар сүрэҕим.
Мөккүөргэ мүккүллүүм — уорааным;
Долгуйуум — көмүөллүүр үрэҕим.

Сэнэбил тоһуурдуур кэмиттэн
Эрэлим кэннибэр тэбиллэр.
Сээн дэтии хааппыла эмиттэн
Дьоллонуум үөрүүтэ эбиллэр.

2.

Иннибэр — көстөллөр тумуллар —
Бэс маһым туорааҕым лоһуора.
Киэҥ садах умайар, умуллар...
Кэрэтиэн айылҕа оһуора!

Сыыһыым да — хара түүн түөһүттэн
Тымныы тыал хаарынан тибиирэр.
Табыым да — түҥ былыт үөһүттэн
Ый сылаас самыыра ибиирэр.

3.

Бэйиэтиэм! Өстөһүү тылынан
Бэйэмсэх эйигин кырыаҕа.
Самнантгын дууһаҕар ылынан,
Оччонон ырыаҥ да ырыаҕа.

10