Page 8 - Сахаайа Ермолаева Тымтык күн

Оттон мин ССРС Суруйааччыларын сойууһугар 1962
сыллаахха, 31 сааспар «туруорсан туран» киирбитим.
(Бука, аатыра охсуохпун баҕарбытым эбитэ буолуо?!)
Кини аан дойду, Арассыыйа, Саха сирин суруйааччы­
ларын да айымньыларын арахпакка, бэл түүнүн сыттыгын
анныгар укта сытан, уһугуннар эрэ уотун уматтан, аахпы-
тынан барара. Өйдөөбөтөх сирдэрин ийэтиттэн, миигит-
тэн ыйытан быһаартарара, уус-уран литература теориятын
балачча билбэхтээбитэ. Лондонтга икки аҥаар сыл эко­
номика төрүттэригэр итиэннэ английскай тылга үөрэнэн
кэлбитэ. Ол кэмҥэ Лондоннааҕы университет сыллата тэ-
рийсиитинэн, бүтүн куурсунан Францияҕа, Испанияҕа,
онтон да атын государстволарга экскурсияларга сылдьы-
быттар этэ...
Үөрэнэн бүтэн, Дьокуускайга төрөппүттэригэр, биһиэхэ
кэлэригэр, төрөөбүт тыл дьылҕатын туһунан өйдөбүлэ
дьиҥнээхтик дириҥээбит этэ.
Арҕааҥҥы государстволар аҕыйах ахсааннаах омукта-
ра эстиилэрэ тылларын симэлийиититтэн саҕаламмытын
кэпсээбитэ. Биһиги, сахалар да, оннук суолга киирэн эрэр
эбиппит диэбитэ... Онтон ылата Э.К. Пекарскай тылдьы-
тын арахпат аргыс оҥостубута. Атын да сахалыы тылдьыт-
тартан үөрэппитинэн барбыта.
Саха биллэр суруйааччыларын кытта көрсүһүүлэргэ
өрүү сылдьара. Амма Аччыгыйа эдэрдэргэ сүбэлээн эппи-
тин тоһоҕолоон бэлиэтэммитэ:
«Киһи мунньахтан суруйааччы буолбат. Мунньах сүбэ-
лиир, көҕүлүүр эрэ. Суруйааччы үс сүрүн суолтан үөскүүр:
биирэ, айылҕаттан бэриллибит дьоҕур, талаан наада; ик-
киһэ, ол дьоҕуру элбэх үчүгэй кинигэни ааҕан уонна олоҕу
мындырдаан үөрэтэн сайдыахха наада; үсүһэ, ийэ тылы
үчүгэйдик билиэххэ наада...»
* * *
Биирдэ, эдэр суруйааччылар республикатааҕы мунньах-
тарыгар сылдьан баран, ытаан кэллэ.
— Хайдах буоллуҥ? — дии тоһуйдум.
— Семинарга Савва Тарасов үөхтэ!
— Бай! Ол туох диэтэ?
— Хоһоонноруҥ олус үчүгэйдэр. Арааһа, аҕаҥ суруйан
биэрбит быһыылаах диэтэ.

6